Heta elemient padrychtoŭki da maštabnaha nastupleńnia USU — Humianiuk ab padryvie naftabazy ŭ Krymie
Padryŭ łahistyki voraha — adzin z elemientaŭ padrychtoŭki da maštabnaha nastupleńnia USU. Pra heta padčas telemarafonu zajaviła kiraŭnica Abjadnanaha kaardynacyjnaha pres-centra Sił abarony poŭdnia Ukrainy Natalla Humianiuk, pieradaje UNIAN.
Humianiuk adznačyła, što paśla pažaru na naftabazie ŭ Sievastopali ŭ rasijskich vajskoŭcaŭ «vysokaja stupień tryvožnaści», tamu jany sprabujuć evakuiravać svaje siemji i pa mahčymaści i sami vyjazdžajuć z Kryma.
«My ŭžo zaŭvažali, što jany [akupanty] pieraaryjentujucca na punkty bazavańnia ŭ bok Novarasijska, tamu što ŭ sievastopalskich buchtach nie adčuvajuć spakoju i nie adčuvajuć taho ŭstojlivaha łahistyčnaha zabieśpiačeńnia… Toje, što padarvanaja łahistyka voraha, — adzin z elemientaŭ padrychtoŭki da mahutnych aktyŭnych dziejańniaŭ Sił abarony, my kažam užo doŭhi čas. I voś heta rabota i zjaŭlajecca padrychtoŭčaj da šyrokaha poŭnamaštabnaha nastupleńnia, jakoha ŭsie čakajuć. Tamu vorah adčuvaje, što ŭ jaho padarvany resursy, i pačynaje manieŭravać», — skazała Humianiuk.
Prezident Uładzimir Zialenski učora zajaviŭ, što Ukraina dakładna deakupuje Krym.
«Jany buduć biehčy z Kryma, buduć biehčy chutčej, čym z Danbasa. Jany navat sabie nie ŭjaŭlajuć…, što jak tolki my dojdziem da pieršaj vioski ŭ Krymie, vy ŭbačycie, jak ludzi ŭ Krymie vyjduć na vulicy i buduć taksama hnać hetuju «ŭładu» Kryma. Tak jano i budzie», — skazaŭ Zialenski.
Ciapier čytajuć
Zališniaje budaŭnictva: ci moža luboŭ biełarusaŭ inviestavać hrošy ŭ kvatery pryvieści da kryzisu na rynku nieruchomaści?17
Kamientary