Kasparaŭ: Vyzvaleńnie Rasii pačniecca z ukrainskaha ściaha ŭ Sievastopali
Na Miunchienskaj kanfierencyi pa biaśpiecy na asobnaj paneli abmierkavali madel novaj Rasii. Na kanfierencyju nie paklikali aficyjnych pradstaŭnikoŭ Rasii, ale byli pradstaŭniki apazicyi. I jany vykazvalisia dosyć rezka.
«Vyzvaleńnie Rasii ad pucinskaha fašyzmu pačniecca z ukrainskaha ściaha ŭ Sievastopali, — tak bačyć pierśpiektyvy sustaršynia Antyvajennaha kamiteta Hary Kasparaŭ. — My majem spravu z tym, što nie tak lohka źmianić, pakul sama ideja impieryi nie pamre. [Rasijskaje hramadstva] pavinna pryznać, što prajhrała vajnu. Šmat chto kaža, što Rasija prajhraje vajnu, — heta tryźnieńnie. Vajna budzie prajhranaja Rasijaj, kali jana zrazumieje, što jana jaje prajhrała».
Eks-kiraŭnik JUKASa Michaił Chadarkoŭski adznačyŭ, što Ukraina siońnia koštam mnohich žyćciaŭ abaraniaje Jeŭropu.
«Kali zaraz dać Pucinu mahčymaść nievialikaj pieradyški, nastupnym razam budzie ŭsio bolš sumna jak dla Jeŭropy, tak i dla Rasii. Davajcie nie bajacca eskałacyi kanfliktu», — skazaŭ Chadarkoŭski.
Mižnarodnaja kanfierencyja pa biaśpiecy ŭ Miunchienie prachodzić 17—19 lutaha. U hetym hodzie jaje hałoŭnaja tema — rasijska-ŭkrainskaja vajna. U joj biare ŭdzieł lidarka demakratyčnaj Biełarusi Śviatłana Cichanoŭskaja.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary