Rolu «najlepšych ludziej horada» na sustrečy z Łukašenkam u Vietcy vykonvaŭ prafsajuzny aktyŭ
«Zvyčajnyja žychary» Vietki, jakija tak rasčulili Alaksandra Łukašenku, akazalisia miascovym prafsajuznym aktyvam i čynoŭnikami, piša Reform.by.
«Ja bačyŭ siońnia ŭ Vietcy radasnyja tvary, i ŭ čym asablivaść — kali jość niejkija drobnyja pytańni, to žančyny chucieńka hetaha čałavieka adsoŭvajuć: «Dy heta nie prezidenta pytańni, dy heta nie hałoŭnaje». Hałoŭnaje — kab byŭ mir, kab nie prylatała siudy (jak kažuć na Danbasie), kab ludzi žyli na mirnaj ziamli. Ludzi, narešcie, svaim pryjarytetam zrabili narmalnaje žyćcio, spakojnaje, mirnaje, i žyćcio svaich dziaciej. Hety pryjarytet siońnia ja baču na Homielščynie, dy i pa ŭsioj respublicy», — pachvaliŭsia 28 krasavika ŭ Vietcy na sustrečy z abłasnymi čynoŭnikami Łukašenka.
Chto ž hetyja dapuščanyja da cieła lubimaha kiraŭnika «najlepšyja ludzi horada»? Reform.by pahladzieŭ na tvary i mnohich paznaŭ.
Nie ŭsie asoby ŭ aficyjnaj fotaspravazdačy bačnyja, mnohich zdymali sa śpiny dla stvareńnia masavaści. Ale tyja, chto zmoh prademanstravać «ščaniukovuju» radaść pry Łukašenku i pakazać tvar, dobra znajomyja miascovym žycharam — heta rajonnyja prafsajuznyja kiraŭniki i kiraŭniki pradpryjemstvaŭ.
U natoŭpie, jak heta zvyčajna byvaje, nie było viertykalščykaŭ — usie jany znachodzilisia na aficyjnaj sustrečy, a voś na vulicy Łukašenku čakali tyja, kamu miesca ŭ zale nie znajšłosia. Ale heta pravieranyja ludzi.
Žurnalistam udałosia apaznać byłoha (jakuju pasadu jon zajmaje ciapier, znajści nie zmahli) i ciapierašniaha staršyniu Vietkaŭskaha rajonnaha abjadnańnia arhanizacyj prafsajuzaŭ Uładzimira Białova i Vadzima Haŭryłava (sustrakali na vychadzie z vykankama), staršyniu prafkama Vietkaŭskaj CRB Tamaru Radźkoŭskuju (prasiła zastacca na pasadzie), staršuju miedsiastru CRB Luboŭ Arech (30 hadoŭ tamu pryjechała z Uźbiekistana), namieśnicu kiraŭnika pa ideałahičnaj pracy Vietkaŭskaha śpieclashasa Tamaru Ubaženka (sustrakała na čale hrupy sa słovami «ŭ nas niama prablem»).
Ciapier čytajuć
Finalistak konkursu «Mis Biełaruś — 2025» vyvieli na scenu ŭ kaściumach z cytatami Łukašenki28
Kamientary