Turcyja padaryła Mieksicy ščaniuka niamieckaj aŭčarki. Za što takaja ščodraść?
Turcyja padaryła mieksikanskaj kamandzie ratavalnikaŭ trochmiesiačnaha ščaniuka niamieckaj aŭčarki. Hety padarunak — znak udziačnaści za dapamohu mieksikanskich ratavalnikaŭ padčas maštabnaha ziemlatrusu, jaki adbyŭsia ŭ Turcyi i Siryi na pačatku lutaha.
Akramia prostaj udziačnaści, padarunak zrobleny ŭ pamiać pra sabaku-ratavalnika pa mianušcy Pratea, jaki zahinuŭ padčas pošukava-vyratavalnych rabot u pravincyi Kachramanmaraš.
Niamieckaja aŭčarka Pratea vyratavała troch čałaviek i zahinuła pad zavałami ŭ Adyjamanie. Paśla hetaha sabaka byŭ pachavany na svajoj radzimie jak hieroj. A municypalitet Stambuła zajaviŭ pra namier ustalavać pomnik Pratea ŭ adnym z parkaŭ horada.
Padoranamu ščaniuku jašče nie dali mianušku, jaje buduć padbirać usienarodna. Minabarony Mieksiki paprasiła hramadzian prahałasavać za adno z troch imionaŭ: Proteo II, Arkadaş (pa-turecku «siabar») abo Yardım («dapamoha»).
U Turcyi praz 49 dzion paśla ziemlatrusu znajšli pad zavałami žyvoha kata
U Turcyi paśla ziemlatrusu pad śledstva patrapili bolš za 600 čałaviek
«Čałavieka moža ŭratavać uvažlivaść i padrychtavanaść». Navukoviec raskazaŭ, jak pradbačyć ziemlatrus i što treba mieć kala siabie, kali žyvieš u siejsmazonie
Ciapier čytajuć
Niežyvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB6
Kamientary