U Turcyi paśla ziemlatrusu pad śledstva patrapili bolš za 600 čałaviek
Na hety momant u Turcyi viadziecca śledstva ŭ dačynieńni da 612 čałaviek, jakija źjaŭlajucca padazravanymi pa spravie ab rasśledavańni pryčyn maštabnych razbureńniaŭ padčas niadaŭniaha ziemlatrusu. U asnoŭnym heta pradstaŭniki budaŭničych i padradnych arhanizacyj, a taksama dziaržaŭnyja čynoŭniki, paviedamlaje ahienctva Associated Press.
Ministr justycyi krainy Biekir Bazdah paviedamiŭ, što 184 padazravanyja da suda ŭžo źmieščanyja pad vartu. Siarod ich — budaŭničyja padradčyki, uładalniki ci kiraŭniki budynkaŭ, a taksama niekatoryja dziaržčynoŭniki.
Padstavaj dla zaviadzieńnia spraŭ źjaŭlajucca novyja dokazy, jakija vyjaŭlajucca pry abśledavańni razburanych budynkaŭ. Jak vyśvietliłasia, mnohija razburanyja damy byli pabudavanyja z vykarystańniem niajakasnych materyjałaŭ i nie adpaviadali dziaržaŭnym standartam.
U vyniku ziemlatrusu siłaj 7,8 bała, jaki adbyŭsia 6 lutaha na poŭdni Turcyi i poŭnačy Siryi, zahinuła amal 48 tysiač čałaviek.
Kamientary