ES paćvierdziŭ płany pa sankcyjach suprać trecich dziaržaŭ, jakija dapamahajuć Rasii z tavarami
Staršynia Jeŭrapiejskaj kamisii Ursuła fon der Lajen u paniadziełak paćvierdziła, što novy pakiet sankcyj suprać Rasii budzie ŭtrymlivać miery ŭ dačynieńni da trecich krain, jakija dapamahajuć dziaržavie-ahresaru ŭ viadzieńni vajny suprać Ukrainy, paviedamlaje «Jeŭrapiejskaja praŭda».
Sa słoŭ fon der Lajen, padrychtavanyja Jeŭrakamisijaj zachady źjaŭlajucca «faktyčna papiaredžańniem ab tym, što jany surjozna staviacca da svaich sankcyj, što jany mohuć zabaranić ekspart peŭnych tavaraŭ u trecija krainy, kali jość dakładnyja dokazy taho, što heta abychod sankcyj i pastaŭki ŭ Rasiju».
«My bačym, što isnuje nieadpaviednaść pamiž tym, što pačynajecca ŭ Jeŭrapiejskim Sajuzie, prachodzić tranzitam praz Rasiju, a zatym akazvajecca ŭ treciaj krainie. I tamu my abmiarkoŭvajem jak strymlivajučy faktar pytańnie ab tym, ci pavinna być takaja zabarona na tranzit», — patłumačyła jeŭračynoŭnica.
Kiraŭnica Jeŭrakamisii, praŭda, nie ŭdakładniła, jak mienavita budzie pracavać hety miechanizm, i zhadała, što havorka idzie pra «niekalki kantrolnych punktaŭ», jakija buduć paćviardžać nieabchodnaść abmiežavańniaŭ.
Taksama, dadała jana, novy pakiet sankcyj moža pašyryć śpis tavaraŭ ES, zabaronienych dla tranzitu praz Rasiju. Raniej pra takija abmiežavańni aficyjna nie paviedamlałasia, ale ŭ ES paćviardžali, što impart u Rasiju takich tavaraŭ, jak paŭpravadniki i intehralnyja schiemy, z takich krain, jak Kazachstan, Abjadnanyja Arabskija Emiraty, Turcyja, Kitaj i inšyja, rezka vyras z pačatkam poŭnamaštabnaj vajny va Ukrainie.
Ciapier čytajuć
Płača, ale jedzie ŭ Kieniju ŭśled za mužam: łukašenkaŭski puł zastaŭsia biez addanaj supracoŭnicy1
Płača, ale jedzie ŭ Kieniju ŭśled za mužam: łukašenkaŭski puł zastaŭsia biez addanaj supracoŭnicy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary