«Raptam hetyja ludzi vyjšli na vulicy pad svaimi simvałami i papularna ŭsim patłumačyli». Marzaluk raskazaŭ pra «amierykanizacyju» jabaciek
Praŭładny historyk i deputat Ihar Marzaluk u efiry prapahandysckaj prahramy Marata Markava na ANT malaŭniča raskazaŭ, jak u 2020 hodzie prychilniki ŭłady «pieraadoleli palitkarektnaść» i nibyta tryumfalna prajšlisia z čyrvona-zialonymi ściahami «ad Krasnapolla i Kaściukovičaŭ da Bresta».
Razvažajučy pra dziaržaŭnuju simvoliku, Marzaluk faktyčna nie admaŭlaŭ taho, što asablivaj emacyjnaj pryviazanaści da jaje ŭ Biełarusi nie zaŭvažałasia, i vykłaŭ svaju viersiju hetaha fienomiena:
«Nam pieraškadžali raniej iłžyva zrazumietaja palitkarektnaść, niežadańnie čaściakom rabić akcenty na tym, što rabili ŭsie, nasamreč. Niejak heta sychodziła za hrani śviadomaści. Ličyłasia, što samo saboj, i tak usio dobra, i tak zrazumieła. Usio heta razam pryvodziła, u tym liku, i da zališnich abmiežavańniaŭ u vykarystańni toj ža samaj simvoliki».
Ale ciapier usio, maŭlaŭ, pa-inšamu, bo heta «stała brendam, heta stała kruta. U hetym płanie jość pazityŭnaja, kali tak možna skazać, svojeasablivaja «amierykanizacyja», u dobrym sensie».
Pavodle śćviardžeńnia Marzaluka, ciapier u Biełarusi na łukašenkaŭskuju simvoliku stvarajecca moda. Pryčym, samaje važnaje, što hety praces pajšoŭ źnizu ŭ 2020 hodzie.
«Ličyli, što «pipł schavaje», «maŭklivaja bolšaść» — raptam hetyja ludzi vyjšli na vulicy pad svaimi simvałami i papularna ŭsim patłumačyli na aŭtaprabiehach, na mitynhach, jakija prajšli ad Krasnapolla i Kaściukovičaŭ da Bresta i da samych da ŭskrain, što jany svaju krainu, svaje simvały nikomu nie addaduć».
Vykazvańni Marzaluka raźličanyja chiba tolki na ludziej ź vielmi karotkaj pamiaćciu. Nasamreč, arhanizavanyja ŭ padtrymku ŭładaŭ u 2020 hodzie «narodnyja» akcyi kali čym i ŭražvali, to tolki svajoj niešmatludnaściu i jaŭnaj arhanizavanaściu źvierchu. Na ich časta zaśviečvalisia adnyja i tyja ž ludzi, a na arhanizacyju vydatkoŭvalisia niemałyja biudžetnyja srodki. Niekatoryja ž zapłanavanyja i razrekłamavanyja ŭ adkaz na pratesnyja akcyi miehamierapryjemstvy davodziłasia ŭ apošni momant haniebna admianiać, pakolki ŭźnikali prablemy ŭ tym liku i z entuzijazmam mas.
Sapraŭdnaj pryčynaj taho, što pratesty 2020 hoda nie dasiahnuli svajoj mety, byŭ biesprecedentny hvałt z boku siłavych struktur z faktyčnym vyvadam ich z pravavoha pola, a zusim nie pieramohi na ideałahičnych placoŭkach.
Čytajcie taksama:
Łukašysty raspracoŭvajuć adzinuju mietadyčku pa histaryčnaj pamiaci
Kamientary
U ludiej raźbity lica.
I v "stakanie" jedu ja.
Žizń načniotsia vo vsiech kraskach
- s chłorkoju, no biez matrasa.
"Amierikanizacija".
***
America is a land of free people.
Byelorussia is a land of free labor (in concentration camps).
Emacyjnaja pryviazka ciapier dakładna jość, projdzieny šlach ad naśmiešlivaj abyjakavaści jak da simvałaŭ archaičnaha saŭka da hidlivaści ci navat nianaviści da simvała antybiełaruskaj dyktatury.