Na terytoryju Biełharodskaj vobłaści zajšli dyviersanty USU — hubiernatar vobłaści
Hubiernatar Biełharodskaj vobłaści Viačasłaŭ Hładkoŭ napisaŭ u telehram-kanale, što na terytoryju Biełharodskaj vobłaści zajšli dyviersanty USU. Raniej lehijon «Svaboda Rasii» i Ruski dobraachvotnicki korpus zajavili, što «vyzvalili» nasieleny punkt Kazinka Biełharodskaj vobłaści.
«Na terytoryju Hrajvaronskaj akruhi zajšła dyviersijna-raźviedvalnaja hrupa USU. Uzbrojenyja siły RF razam z pahransłužbaj, Rashvardyjaj i FSB prymajuć nieabchodnyja miery pa likvidacyi praciŭnika. Padrabiaznaści budu paviedamlać», — napisaŭ Hładkoŭ u telehram-kanale.
Pavodle jaho, u časie abstrełu vioski Hłotava ŭ Hrajvaronskim rajonie Biełharodskaj vobłaści paciarpieli mužčyna i žančyna: žančyna znachodzicca ŭ reanimacyi, jaje stan aceńvajecca jak ciažki, mužčyna atrymaŭ ranieńni siaredniaj ciažkaści.
Raniej lehijon «Svaboda Rasii» i Ruski dobraachvotnicki korpus zajavili, što «vyzvalili» nasieleny punkt Kazinka Biełharodskaj vobłaści. Taksama paviedamlałasia pra ŭvachod «pieradavych atradaŭ» u horad Hrajvaran.
Rasijski pablik SHOT paviedamlaŭ pra nibyta «žorstki boj z ukrainskaj DRH» na miažy Biełharodskaj vobłaści kala vioski Dronaŭka. «Z abodvuch bakoŭ pryciahnuta vajskovaja technika, u niebie zaŭvažana niekalki dronaŭ. Pracuje SPA», — pisaŭ kanał.
Ale tyja paviedamleńni ŭłady nazvali fejkami i infarmacyjnaj atakaj.
Kamientary