Pahladzicie, jak ciapier vyhladaje 200-hadovaja carkva, u jakoj byvaŭ Ihnat Damiejka
Karelickaja rajonka nadrukavała chvalebny artykuł pra zaviaršeńnie «restaŭracyi» carkvy ŭ Vialikaj Miadźviadcy Karelickaha rajona. Carkvu pabudavali na pačatku XIX stahodździa, i kaliści jaje naviedvaŭ miascovy ŭradženiec Ihnat Damiejka. Ale ciapier by jon jaje, vidać, i nie paznaŭ by. Raboty skončyli jašče ŭzimku, ale tolki ciapier ich vynik patrapiŭ na vočy aŭtaru telehram-kanała «Spadčyna».
Raboty na carkvie pačalisia ŭ siaredzinie 2022 hoda. Letaś jakraz adznačałasia 220-hodździe z dnia naradžeńnia słavutaha hieołaha i minierołaha, nacyjanalnaha hieroja Čyli Ihnata Damiejki. Damiejka naradziŭsia ŭ 1802 hodzie tut, u Miadźviadcy Navahrudskaha pavieta. Ihnat byŭ achryščany 31 lipienia ŭ parafiialnym kasciole ŭ Pałaniečcy (mietryka jahonaha chrostu nie znojdziena). Ale ŭ staroj unijackaj carkvie ŭ Miadźviadcy jon pryniaŭ pieršaje pryčaście, razam z baćkami i sialanami ŭdzielničaŭ u śviatočnych pracesijach. Reštki siadziby Damiejkaŭ dahetul zachoŭvajucca niedaloka ad carkvy.
Śpiecyjalisty ŭ tym ža hodzie padrychtavali prapanovu na nadańnie achoŭnaha statusu draŭlanaj carkvie ŭ styli kłasicyzmu, ale Hrodzienski abłasny saviet pa pytańniach historyka-kulturnaj spadčyny vyrašyŭ adznačyć pamiatnuju datu svojeasabliva, admoviŭšy z farmuloŭkaj «adsutničaje nieabchodnaść».
Takim čynam, niahledziačy na ŭsie zvaroty śpiecyjalistaŭ, histaryčnuju carkvu bieśpieraškodna abšyli sajdynham.
U materyjale rajonki žychary dziakujuć miascovym uładam, što dapamahli im źniaviečyć pomnik architektury. Na ich dumku, carkva ciapier zdabyła «novaje žyćcio». A pra toje, što jany pad sajdynham i nie zaŭvažać, jak jana zhnije, pra heta padumajuć paśla, sumna iranizujuć u telehram-kanale «Spadčyna».
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda20
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy88
Kamientary