Padalak zajaviŭ, što rasijskija dobraachvotniki, jakija robiać dyviersii na terytoryi Rasii, bolš nie ŭvachodziać u skład USU
Daradca Ofisa prezidenta Ukrainy Michaił Padalak zajaviŭ, što rasijskija dobraachvotniki bolš nie znachodziacca ŭ składzie USU. A Ukraina prosta daje im svaju terytoryju dla dysłakacyi.
Michaił Padalak zajaviŭ, što na pačatku vajny ŭ bajcoŭ Ruskaha dobraachvotnickaha korpusa (RDK) sapraŭdy byli padpisanyja kantrakty ź Internacyjanalnym lehijonam Ukrainy, adnak hetyja kantrakty skončylisia. Z tych časoŭ jany ličacca niezaležnaj strukturaj.
Ukraina ža nie suprać pradastaŭlać terytoryju im, jak i inšym nacyjanalnym hrupam, jakija zmahajucca suprać rasijskaj ułady.
Na pytańnie, skul u rasijskich dobraachvotnikaŭ zbroja i technika, Padalak adkazaŭ, što niešta jany «nazapasili» padčas słužby va USU, niešta — trafiejnaje, z terytoryi Rasii.
Jon prahnazuje, što hetaj zbroi, jak i kolkaść ludziej u RDK, budzie ŭsio bolš. Ukraina budzie dapamahać im zmahacca z rasijskimi ŭładami «kansultacyjna».
Padalak miarkuje: kolkaść ludziej u RDK moža ŭzraści ŭ nastupnyja miesiacy, mahčyma navat da piaci tysiač čałaviek.
Jon pahražaje, što kali Rasija nie pakinie terytoryju Ukrainie, u samoj Rasii moža pačacca «chaatyzacyja», značnuju rolu ŭ jakoj jon advodzić RDK.
Ruskija dobraachvotniki hučna zajavili pra siabie ŭ mai, kali zrabili dyviersii na terytoryi Branskaj vobłaści i Biełharodskaj.
«Chaču dakazać, što z tyranam možna vajavać». Kamandzir RDK raspavioŭ pra bajavyja dziejańni ŭ Biełharodskaj vobłaści
Ukraincy zachapili pamiežny punkt, padyšli da horada Hrajvarana ŭ Biełharodskaj vobłaści
Rasijskija vajenkary paviedamlajuć ab udarach pa ŭpraŭleńniach FSB i MUS u Biełharadzie — abłasnym centry Rasii
Hubiernatar Biełharodskaj vobłaści znajšoŭ rašeńnie prablemy abstrełaŭ rehijona. I heta nie skančeńnie vajny
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary