Bolš za dźvie tysiačy dziaciej z akupavanaha Danbasa adpačyli ŭ łahierach Minskaj vobłaści
Dzieci z Danbasa adpačyvajuć u Biełarusi z zachavańniem usich zakonnych pracedur, sa zhody baćkoŭ abo apiekunoŭ, zajaviŭ žurnalistam dziaržaŭny sakratar Sajuznaj dziaržavy Dźmitryj Mieziencaŭ.
«Režym apiakunstva i ŭzhadnieńnia z baćkami prava na pierajezd dziaciej u Biełaruś vykonvaŭsia ŭ poŭnaj miery. Navat u hetym vypadku ŭsie dakumienty bieź jakich-niebudź vyklučeńniaŭ byli ŭ paradku. Adnamu z kiraŭnikoŭ dziciačaj ustanovy Ministerstva adukacyi «ŁNR» rychtavała davieranaść na prava pierajezdu 30 dziaciej-sirot u Biełaruś z harantavanym viartańniem», — cytuje słovy Mieziencava BiełTA.
Mieziencaŭ udakładniŭ, što, zhodna z rašeńniem kiroŭnych orhanaŭ Sajuznaj dziaržavy, bolš za dźvie tysiačy dziaciej ź niepryznanych «DNR» i «ŁNR» adpačyli ŭ azdaraŭlenčych łahierach u Minskaj vobłaści.
«Hetyja dzieci pieražyvali ŭ apošnija hady nie lepšy čas: napružańnie, tryvoha, adsutnaść mahčymaści pajści ŭ škołu ŭ toj ci inšy dzień. Jany pryjechali da siabroŭ, adnahodkaŭ u Biełaruś, pahladzieli na pryhožuju respubliku, naviedali daktaroŭ, kamu treba było, paviesialilisia, parazmaŭlali. I vyśvietliłasia, što ŭ ich adny i tyja ž intaresy, vielmi blizkija pohlady na žyćcio», — adznačyŭ dziaržsakratar.
Raniej Dźmitryj Mieziencaŭ paviedamiŭ, što vosieńniu minułaha hoda struktury Sajuznaj dziaržavy pieradali dva aŭtobusy dla pieravozki vučniaŭ škoły alimpijskaha reziervu ŭ Daniecku i spartyŭnaha kaledža ŭ Łuhansku. Akramia taho, niepryznanym respublikam addali interaktyŭnyja sistemy navučańnia, linhafonnyja kłasy i kampjutary, vadu, pradukty, spartyŭnaje adzieńnie i invientar. Pavodle jaho słoŭ, u hetym hodzie płanujecca dastavić u «ŁNR» bolš za 250 kampjutaraŭ, a ŭ cełym struktury Sajuznaj dziaržavy i nadalej buduć pieradavać humanitarnuju dapamohu «respublikam Danbasa».
U Kijevie paćvierdzili ŭdzieł režymu Łukašenki ŭ prymusovym pieramiaščeńni ŭkrainskich dziaciej
Parłamienckaja asambleja Rady Jeŭropy pryznała Łukašenku datyčnym da departacyi ŭkrainskich dziaciej
Niekalki krain ES pahadziłasia źviarnucca ŭ Mižnarodny kryminalny sud z pryčyny departacyi ŭkrainskich dziaciej u Biełaruś
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks21
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1717
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki17
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary