U Litvie abychodžańnie ź nielehalnymi mihrantami pryznali niekanstutycyjnym, ale čynoŭniki śćviardžajuć, što inakš nie dali b rady
7 červienia Kanstytucyjny sud Litvy pastanaviŭ, što zatrymańnie i prymusovaje raźmiaščeńnie mihrantaŭ, jakija niezakonna pierasiekli dziaržaŭnuju miažu, u centrach rehistracyi zamiežnikaŭ supiarečyć Kanstytucyi. Takoje rašeńnie KS pryniaŭ paśla razhladu skarhi mihranta, jaki prybyŭ u Litvu ź Iraka. Ale, na dumku ministarki ŭnutranych spraŭ Litvy Ahnie Biłatajcie, hetaje rašeńnie było ŭ tych umovach absalutna nieabchodnym, bieź jaho kraina nie dała b rady hibrydnaj atacy z boku režymu Łukašenki, piša Delfi.lt.
«Čamu byli pryniatyja hetyja zachady? Kali pačałasia instrumientalizavanaja mihracyja, jakuju arhanizavaŭ i arhanizuje režym Alaksandra Łukašenki, u nas nie było srodkaŭ dla abarony siabie», — zajaviła Ahnie Biłatajcie žurnalistam u MUS.
«Pierš za ŭsio, u nas nie było fizičnaha barjera, u nas nie było sistem pamiežnaha nazirańnia i ŭ nas nie było rašeńnia razvaročvać ci nie ŭpuskać tych, chto niezakonna traplaje ŭ Litvu», — padkreśliła jana.
Ministarka zaŭvažaje, što niejkim faktaram pryciahnieńnia stała i mihracyjnaja palityka, jakaja dziejničała na toj momant u Litvie.
«Što tyčycca našaj mihracyjnaj sistemy, to heta byŭ faktar pryciahnieńnia, jaki taksama stymulavaŭ hety praces. I byli pryniatyja rašeńni, što Litva nie moža stać prachadnym dvarom.
Litva pavinna abaraniacca, tamu što isnujuć vidavočnyja pahrozy našaj biaśpiecy, našaj nacyjanalnaj biaśpiecy, biaśpiecy našaha naroda», — padkreśliła jana.
Na pytańnie, ci źbirajecca jana ŭziać na siabie adkaznaść za rašeńnie, jakoje Kanstytucyjny sud pryznaŭ niezakonnym, Biłatajcie adznačyła parłamienckuju padtrymku zhadanaj inicyjatyvy.
«Na momant abmierkavańnia jaho ŭ parłamiencie nijakich narakańniaŭ z boku jurydyčnaha departamienta ab tym, što sam prajekt supiarečyć Kanstytucyi, nie było. Taksama sam prajekt byŭ padpisany prezidentam, vieta nie było», — adznačyła jana.
Pry hetym, padkreśliła Ahnie Biłatajcie, kali takaja situacyja ŭźniknie jašče raz, to jana dziejničała b hetak sama.
«Kali b mnie daviałosia paŭtaryć hetyja pastanovy, kali b situacyja paŭtaryłasia, ja b pryniała ŭsie tyja ž pastanovy, jakija prymała tady, bo hetyja pastanovy byli patrebnyja našaj dziaržavie», — zapeŭniła jana.
Čytajcie taksama:
Chto moh zarabić miljony na mihracyjnym kryzisie na miažy Biełarusi i ES?
Litva nie stała praciahvać režym nadzvyčajnaha stanovišča na miažy ź Biełaruśsiu
Adnovicca avijazłučeńnie ź Iranam. Ci ryzyknie Łukašenka paŭtaryć ataku mihrantami?
Ciapier čytajuć
Ad rekietu da prodažu fota mahił. Jak vyhladaje znutry hrupoŭka Project X, jakaja viarbuje ludziej dla pieravozki mihrantaŭ ź Biełarusi ŭ ES8
Kamientary