Maraviecki: Polšča nie dapuścić prymusovaha pierasialeńnia mihrantaŭ
Premjer-ministr Polščy zajaviŭ, što Varšava nie dapuścić ni prymusovaha pierasialeńnia mihrantaŭ, ni ŭviadzieńnia vypłat ź dziaržaŭ, jakija admovilisia pryniać mihrantaŭ.
Padčas pres-kanfierencyi jon nahadaŭ, što Polšča pryniała miljony ŭciekačoŭ z Ukrainy, abaraniajučy miežy ES ad štučna vyklikanaha mihracyjnaha kryzisu na miažy ź Biełaruśsiu, paviedamlaje Polskaje radyjo.
Kiraŭnik urada padkreśliŭ, što Polšča jość ćviordym prychilnikam efiektyŭnaj abarony miež Jeŭrasajuza i nie dazvolić «kantrabandystam ludziej dyktavać Jeŭrasajuzu ŭmovy».
«My vystupajem za zakryćcio miež, u tym liku paŭdniovaj miažy, i praduchileńnie [ŭźniknieńnia] vialikich mihracyjnych mas, jak my zrabili na ŭschodniaj miažy. Urad partyi «Prava i spraviadlivaść» abaraniaje mir, spakoj i biaśpieku», — zajaviŭ premjer-ministr Matevuš Maraviecki. Jon dadaŭ, što heta pytańnie abaviazkova budzie abmiarkoŭvacca na samicie lidaraŭ ES.
U svaim siońniašnim paviedamleńni ŭ Twitter kiraŭnik urada taksama paviedamiŭ, što Polšča nie budzie płacić za pamyłki mihracyjnaj palityki inšych krain. «Prymusovaje pierasialeńnie nie vyrašaje prablem mihracyi, ale parušaje suvierenitet dziaržaŭ-členaŭ», — havorycca ŭ dopisie premjer-ministra.
Učora ministry ŭnutranych spraŭ krain Jeŭrasajuza pry prateście Polščy i Vienhryi pryniali pałažeńni mihracyjnaha pakta. Jon źmiaščaje pryncyp abumoŭlenaści: albo krainy pahadžajucca pryniać mihrantaŭ, jakija prybyvajuć u Paŭdniovuju Jeŭropu cieraź Mižziemnaje mora, albo jany buduć płacić kala 20 tysiač jeŭra za kožnaha niepryniataha čałavieka. Polšča krytykuje heta pałažeńnie i patrabuje, kab hetym pytańniem zajmalisia lidary krain Jeŭrasajuza na samicie, bo tam rašeńni prymajucca adnahałosna.
Na vajnie va Ukrainie zahinuŭ były dyrektar dvuch aršanskich zavodaŭ4
Kamientary