Kaja Kałas: Jeŭropa sprabavała adhavaryć Trampa ad kanfliktu ź Iranam, ale ZŠA ź ES nie kansultavalisia
Kiraŭnica źniešniaj palityki Jeŭrapiejskaha Sajuza Kaja Kałas zajaviła ŭ intervju Reuters, što ZŠA i Izrail pačali vajnu suprać Irana biez uzhadnieńnia ź Jeŭropaj, niahledziačy na sproby jeŭrapiejskich lidaraŭ adhavaryć ich ad eskałacyi.
Pa słovach Kai Kałas, krainy ES nie byli padklučanyja da pryniaćcia rašeńnia i navat sprabavali pierakanać Vašynhton nie pačynać kanflikt.
Jana padkreśliła, što Jeŭropa nie zaŭsiody razumieje dziejańni ZŠA, asabliva z ulikam niepradkazalnaj palityki Donalda Trampa, ale ŭžo da ŭsiaho hetaha pryzvyčaiłasia i reahuje na jaho dziejańni bolš spakojna, čym raniej.
Kałas zaklikała jak maha chutčej spynić vajnu, adznačyŭšy, što kanflikty lohka pačać, ale vielmi ciažka zaviaršyć. ES zaraz viadzie kansultacyi z krainami Blizkaha Uschodu, u tym liku ź dziaržavami Piersidskaha zaliva, Iardanijaj i Jehiptam, kab znajści dypłamatyčnaje rašeńnie, jakoje dazvolić usim bakam vyjści ź situacyi biez straty tvaru.
Asobnuju ŭvahu jana źviarnuła na Armuzski praliŭ, jaki Iran častkova błakuje. Heta ŭžo ŭpłyvaje na Jeŭropu praz rost cen na enierharesursy. Jeŭrapiejskija krainy nie hatovyja ryzykavać svaimi vajskoŭcami ŭ hetym rehijonie i addajuć pieravahu dypłamatyčnym šlacham.
U jakaści mahčymaj madeli vyrašeńnia prablemy Kałas prapanavała vykarystać prykład «zbožžavaj ździełki», jakaja dazvalała Ukrainie navat paśla pačatku vajny z Rasijaj biaśpiečna ekspartavać pradukcyju praz Čornaje mora. Pavodle jaje, AAN užo pracuje nad padobnymi varyjantami, ale šmat što zaležyć ad pazicyi Irana i susiednich krain.
U cełym ES imkniecca vystupić pasiarednikam i dapamahčy spynić kanflikt, nie ŭciahvajučysia ŭ vajennyja dziejańni.
U Jeŭrasajuzie razhladajuć mahčymaść źmieny mandata svajoj vajskova-marskoj misii na Blizkim Uschodzie
Tramp zajaviŭ, što ZŠA bolš nie majuć patreby ŭ dapamozie krain NATA
Tramp: Ja da ich źviartajusia nie tamu, što jany nam patrebnyja, a chaču pahladzieć na reakcyju
«Uzrovień entuzijazmu dla mianie maje značeńnie». Tramp zhadaŭ pra krainy, jakija nie chočuć dapamahać jamu ŭ Armuzskim pralivie
Vialikabrytanija i Hiermanija admovilisia adpraŭlać karabli ŭ Armuzski praliŭ
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
Šmat dapamohło " dzievačkam i chłopčykam" ??? bambavańnie Israila i jaho pamahataha Trampa???
Ci licymiernyja zvaroty apaśla ..da " narota Irana" ???