Łatuška pryznaŭsia, što sam źliŭ «čorny śpis» artystaŭ dla publikacyi, kali byŭ ministram
U intervju jutub-kanału supolnaści «Sumlennyja ludzi» kolišni ministr kultury Biełarusi Pavieł Łatuška paviedamiŭ, što ŭ tyja časy mienavita jon niepasredna paspryjaŭ tamu, kab śpis artystaŭ, jakim była zabaroniena hastrolnaja dziejnaść u Biełarusi, staŭ viadomy hramadskaści.
«Jon byŭ raniej pieradadzieny ŭ internet. Mahu navat pryznacca, što kopiju hetaha śpisa ja pieradaŭ tym ludziam, jakija paźniej jaho apublikavali», — zajaviŭ Łatuška.
Ciapierašni namieśnik staršyni Abjadnanaha pierachodnaha kabinieta i kiraŭnik Nacyjanalnaha antykryzisnaha ŭpraŭleńnia taksama dadaŭ, što śpis składaŭsia ŭ Administracyi Łukašenki, jaho razdavali tam u razdrukavanym vyhladzie na naradzie. U abłvykankamy i bujnyja dziaržustanovy rassyłali ŭ vyhladzie daručeńnia Administracyi.
Łatuška miarkuje, što śpis składali supracoŭniki KDB, a ŭ Administracyi jaho kuryravała sumna viadomaja čynoŭnica ad kultury Iryna Dryha.
Sam Łatuška, jaki byŭ ministram kultury ŭ 2009—2012 hadach, nibyta vystupaŭ suprać abmiežavańniaŭ dla artystaŭ, a paźniej publična zaklikaŭ skasavać «čornyja śpisy».
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary
Całkam pierakuŭsia, asensavaŭ pamyłki, nadal cenzuravaćmie adno z metaj achovy ladaščych mazhoŭ ad Ostazyjskaje prapahandy.