Pad Minskam narešcie adkryjuć handlovy centr, jaki budavali bolš za 10 hadoŭ
Pad Minskam adkryjecca HC «Sienica», budaŭnictva jakoha pačałosia bolš za 10 hadoŭ tamu, ale pieryjadyčna zamarožvałasia. Jak paviedamlaje centr na svajoj staroncy ŭ instahramie, adkryćcio zapłanavana na kaniec červienia — pačatak lipienia.
«Ciapier prachodziać finalnyja raboty ŭ zonie fiermierskaha rynku», — havorycca ŭ paviedamleńni, dzie abiacajuć padzialicca najbližejšym časam repartažam z abjekta.
«Sienica» — heta handlovy centr z sučasnym fiermierskim rynkam, dyskaŭntaram płoščaj kala troch tysiač kvadratnych mietraŭ, handlovaj halerejaj i raznastajnym fud-kortam. Jaho admietnaj asablivaściu źbirajucca zrabić handal praduktami i tavarami šyrokaha spažyvańnia pa śpiecyjalnych i vyhadnych prapanovach.
Prajekt pačynali ŭ 2010 hodzie z pracoŭnaj nazvaj «Vioska hipiermarkietaŭ». Ahulnaja płošča HC — kala 10 hiektaraŭ. Handlovy abjekt maje stać centram pryciahnieńnia dla žycharoŭ mikrarajonaŭ Łošyca, Kurasoŭščyna i ŽK «Minsk-Śviet».
Kamientary