Hałoŭny ideołah Viciebskaj vobłaści dazvoliła praŭładnym žurnalistam svavolić
«Svavolcie, na toje vy i žurnalisty». Tak skazała hałoŭny ideołah Viciebščyny rehijanalnym praŭładnym žurnalistam vobłaści padčas tak zvanaj latučki ŭ Brasłavie. Niekalki dzion tamu ŭłady tam sabrali hałoŭnych redaktaraŭ dziaržaŭnych haziet Viciebskaj vobłaści, ich namieśnikaŭ dy žurnalistaŭ, raspaviadaje BAŽ.
Jak piša sajt «Mijorskija naviny», načalnica hałoŭnaha ŭpraŭleńnia ideałahičnaj raboty i pa spravach moładzi abłvykankama Maryna Navickaja adznačyła, što asnoŭnaja častka nasielnictva atrymlivaje infarmacyju praz sacyjalnyja sietki, dzie aŭdytoryja ŭ paraŭnańni sa žniŭniem 2022 hoda vyrasła na 13%.
Pavodle jaje słoŭ, na siońnia haziety Viciebščyny majuć 366 tysiač padpisčykaŭ.
Treba adznačyć, što ŭ značnaj svajoj častcy heta prymusovaja padpiska, bo ŭłady vykarystoŭvajuć u hetaj spravie dziaržaŭny aparat. Prytym što ciapier amal niama nijakaj kankurencyi, bo ŭsie niezaležnyja miedyja razhramili i zrabili «ekstremisckimi».
Čynoŭnica zaznačyła, što rejtynh u sacyjalnych sietkach niekalki hadoŭ zapar utrymlivaje «Aršanskaja hazieta», byccam pryrost za hod u jaje skłaŭ 12 tysiač čałaviek, i jana hučna zajaŭlaje pra siabie ŭ tyktoku. Navickaja zaklikała aktyŭna asvojvać hetuju nišu i inšyja praŭładnyja vydańni Viciebščyny.
— Svavolcie, na toje vy i žurnalisty, kab pa-roznamu padavać materyjał. Kožny žychar rehijona moža znajści svoj infarmacyjny resurs, adkul budzie čerpać infarmacyju. Vy abaviazanyja nasycić infapole cikavym, patrebnym dziaržaŭnym paradkam dnia. U vas pavinna być dobraja žurnalisckaja ryzyka. Žadaju, kab honar za vaš pradukt zaŭsiody pierapaŭniaŭ vas, — zaklikała hałoŭny ideołah Viciebščyny.
Čytajcie taksama:
Chto stvaraje dzikija vokładki «Minskaj praŭdy»?
Ścirańnie pamiaci. Sajt «Priessboła» zabłakavali za archiŭnaje fota «niełajalnaha» futbalista
Kamientary