Da Maskvy praz Varoniežskuju vobłaść ruchałasia bolš za tysiaču adzinak techniki PVK «Vahnier». Siarod ich tanki, rakietnyja ŭstanoŭki, hruzaviki i lehkavyja aŭtamabili, piša «Baza».
Pa danych «Bazy», pieršaja kałona, jakaja naličvała kala 350 adzinak techniki, pierasiekła miažu Varoniežskaj vobłaści adrazu paśla poŭnačy 24 červienia.
U kałonie było dzieviać tankaŭ, čatyry «Tyhry», ustanoŭka «Hrad», harmata, dziasiatki hruzavikoŭ i sotni lehkavych aŭtamabilaŭ. Mienavita hetaja kałona paźniej źniesła zasłon z hruzavoj i budaŭničaj techniki na 590-m kiłamietry trasy M-4 «Don».
Kala 5 hadzin ranicy ŭ vobłaść zajechała druhaja kałona. Jana była jašče bolšaja — papiarednie, naličvała 375 adzinak techniki. Kałona rušyła ŭ bok horada Buturlinaŭka — tam znachodzicca vajskovy aeradrom Ministerstva abarony.
U 7 hadzin ranicy na terytoryju Varoniežskaj vobłaści zajechała treciaja kałona techniki, jakaja naličvała kala 100 adzinak, siarod ich — try tanki, dźvie zienitnyja harmaty, aŭtobusy, hruzaviki i lehkaviki. Kałona ruchałasia pa trasie M-4 «Don».
U 9 hadzin ranicy miažu vobłaści pierasiekła čaćviortaja kałona vajskovaj techniki ahulnaj kolkaściu 212 adzinak.
«Fienamienalny vybar Pryhožyna…» Padalak — pra miaciež kiraŭnika PVK «Vahnier» i karyść ad jaho
Kryminalnaja sprava ŭ dačynieńni da Pryhožyna budzie spynienaja, jon «vyjedzie ŭ Biełaruś» — Piaskoŭ
«Vajna patrebnaja była, kab kupka žyviolin papijaryłasia». Pryhožyn daŭ rezanansnaje intervju, u jakim padvioŭ hrunt pad spynieńnie vajny
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam8
Kamientary