Bajalisia razhajdać łodku. Padčas buntu Pryhožyna sajuźniki prasili Ukrainu nie bić pa Rasii
Aściarohi zaklučalisia ŭ tym, što Ukrainu i Zachad buduć razhladać jak tych, chto dapamahaje Pryhožynu i pahražajuć suvierenitetu Rasii.
Sajuźniki na roznych uzroŭniach źviazvalisia z aficyjnymi asobami Ukrainy i raili nie vykarystoŭvać chaos u Rasii, vyklikany miaciažom Pryhožyna, dla naniasieńnia ŭdaraŭ pa RF. Pra heta paviedamlaje RBK-Ukraina sa spasyłkaj na CNN.
Pa słovach nienazvanaha zachodniaha čynoŭnika, pasłańnie «nie razhojdvać łodku» było pieradadziena na ŭzroŭni ministraŭ zamiežnych spraŭ, namieśnikaŭ i praz pasłoŭ. Aściarohi zaklučalisia ŭ tym, što Ukrainu i Zachad buduć razhladać jak tych, chto dapamahaje Pryhožynu i pahražajuć suvierenitetu Rasii.
«Sajuźniki papiaredžvali ŭkraincaŭ nie pravakavać situacyju: vykarystoŭvajcie mahčymaści na terytoryi Ukrainy, ale nie ŭciahvajciesia va ŭnutranyja spravy i nie nanoście ŭdary pa vajskovych abjektach unutry Rasii», — skazaŭ čynoŭnik.
***
23 červienia Pryhožyn abviaściŭ, što idzie «na Maskvu», bo nie choča, kab Rasija žyła «ŭ karupcyi i chłuśni». Jon zaklikaŭ nie supraciŭlacca najmitam, inakš jany buduć źniščać usich, chto im budzie zaminać.
Užo ranicaj «vahnieraŭcy» ŭziali pad kantrol častku vajskovych abjektaŭ Rastova-na-Donie i vysunulisia ŭ bok Maskvy, prajšoŭšy Varoniežskuju, Lipieckuju i Tulskuju vobłaści.
U Rasii raspačali suprać jaho kryminalnuju spravu, Pucin nazvaŭ miaciež zdradaj, a ŭ Maskvie i vobłaści ŭviali režym kontrterarystyčnaj apieracyi.
Adnak užo ŭviečary Pryhožyn abviaściŭ, što razvaročvaje kałony i idzie nazad. U Kramli zajavili, što spravu suprać jaho zakryjuć, sam vierchavod PVK «pojdzie ŭ Biełaruś». Taksama jany paabiacali nie pieraśledavać jaho najmitaŭ. Heta stała nibyta śledstvam pieramovaŭ Pryhožyna z Alaksandram Łukašenkam. Taksama stała viadoma, što kałony PVK «Vahnier» mohuć pajści ŭ Biełaruś.
Eks-kiraŭnik CRU paraiŭ Pryhožynu nie padychodzić da niezaviešanych voknaŭ u Biełarusi
Detali taho, što adbyvałasia ŭ Kramli i Rastovie 23—24 červienia, pralivajuć śviatło na rolu Łukašenki i asłableńnie Pucina
«Fienamienalny vybar Pryhožyna…» Padalak — pra miaciež kiraŭnika PVK «Vahnier» i karyść ad jaho
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj89
Kamientary