Reziervy na froncie jašče nie zadziejničanyja, i jość pośpiechi, jakija pakul nie vydajuć — Reźnikaŭ
Ministr abarony Ukrainy adchilaje sumnievy ŭ pośpiechu letniaha kontrnastupu i namiakaje, što niadaŭnija ścipłyja dasiahnieńni — tolki «prevju» da značna bolšaha nastupu.
Reźnikaŭ zajaviŭ u intervju Financial Times, što deakupacyja hrupy sioł na praciahu apošnich tydniaŭ była «nie hałoŭnaj padziejaj» u zapłanavanym Kijevam nastupie.
«Kali heta adbudziecca, vy ŭsio ŭbačycie… Usie ŭbačać usio», — skazaŭ jon, admachnuŭšysia ad paviedamleńniaŭ miedyja ab pavolnym prasoŭvańni suprać dobra ŭmacavanych rasijskich pazicyj.
Ministr paćvierdziŭ, što asnoŭnyja vajskovyja reziervy Ukrainy, uklučajučy bolšaść bryhad, jakija niadaŭna prajšli navučańnie na Zachadzie i jakija majuć na ŭzbrajeńni sučasnyja tanki i broniemašyny NATO, jašče nie byli zadziejničanyja ŭ apieracyi.
Pa słovach Reźnikava, ukrainskaja armija praciahvaje nanosić vialikija straty rasijskim vojskam, ich «dehradacyja» źjaŭlajecca instrumientam, a vyzvaleńnie ŭkrainskich ziamiel — metaj.
Ministr abarony zajaviŭ, što ŭkrainskija vojski dasiahnuli «peŭnych pośpiechaŭ», jakija Hienieralny štab nie ahučvaje, kab nie padviarhać niebiaśpiecy vojski.
«Časam rasijanie nie dakładvajuć svajmu kiraŭnictvu pra toje, što jany stracili peŭny ŭčastak abo terytoryju. Jany bajacca dakładvać dalej svajmu kiraŭnictvu».
Reźnikaŭ papiaredziŭ, što hetaja apieracyja budzie kantrastavać ź letašnim razhromam rasijskich vojskaŭ pad Kijevam, u Charkaŭskaj vobłaści i ŭ Chiersonie.
«Nielha čakać cudu ŭ kožnaj apieracyi», — skazaŭ jon.
FT adznačaje, što ŭkrainskija vojski ciapier pramacvajuć linii rasijskaj abarony i atakujuć u roznych miescach, kab prymusić Rasiju zdahadvacca, dzie budzie asnoŭny nastup.
27 červienia ministr abarony Vialikabrytanii Bien Uoles paviedamiŭ, što ŭ vyniku kontrnastupu Ukraina advajavała ŭ Rasii blizu 300 kvadratnych kiłamietraŭ. Heta ŭdvaja bolš, čym aficyjna abviaściŭ Kijeŭ.
Raniej prezident Ukrainy Uładzimir Zialenski pryznaŭ, što pośpiechi na froncie «bolš pavolnyja, čym chaciełasia b». Pavodle jaho, uvosień taksama byŭ momant, kali kontrnastupalnyja dziejańni zdavalisia pavolnymi, ale paśla było prasoŭvańnie napierad.
-
«Žyćciovy cykł šturmavika — 12 dzion». Z-błohier ščyra pryznaŭsia, čamu nie padpisvaje kantrakt ź Minabarony
-
Padčas ataki Rasii nad zachadam Ukrainy lotali kitajskija spadarožniki, jakija ličać raźviedvalnymi
-
Pad Kijevam «mabilizavali» kata. Vajskoviec chacieŭ padaryć dziciaci kata z prytułku, ale zabraŭ na vulicy čužoha
Ciapier čytajuć
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?33
Kamientary