Abvieščany zbor na dapamohu na lekavańnie i reabilitacyju aktyvista ź Biarozaŭki
Siarhiej Pantus — paplečnik Vitolda Ašurka, hramadska-palityčny aktyvist ź Biarozaŭki. Za jaho plačyma šmathadovaja praca na karyść Biełarusi i rodnaha horada.
Razam ź Vitoldam Ašurkam jany ŭdzielničali ŭ palityčnych kampanijach, vyrašali ekałahičnyja prablemy rodnaha horada i zajmalisia ŭšanavańniem pamiaci ŭdzielnikaŭ paŭstańnia Kastusia Kalinoŭskaha.
U kancy 2021 hoda pad pahrozaj kryminalnaha pieraśledu z palityčnych pryčyn Siarhiej byŭ vymušany źjechać ź Biełarusi i apynuŭsia ŭ Biełastoku. Tam jon da apošniaha času pracavaŭ na budoŭli.
19 červienia mužčynu stała błaha na pracy, jon straciŭ prytomnaść. U lakarni nie adrazu, ale pastavili dyjahnaz — razryŭ anieŭryzmy sasudaŭ hałaŭnoha mozha. Siarhieju zrabili niekalki apieracyj i ŭviali na niekalki dzion u štučnuju komu.
Ciapier Siarhiej ačuniaŭ, ale jaho čakaje praciahłaje lekavańnie i reabilitacyja (minimum paŭhoda). U hety čas jon nie zmoža pracavać i zabiaśpiečvać siabie.
Padtrymać mužčynu možna praz «Bajsoł».
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary