U Varšavie projdzie pieršy niefarmalny źjezd niezaležnych biełaruskich kiniematahrafistaŭ
Źjezd adbudziecca 18-20 žniŭnia. Belarusian Filmmakers’ Network ładzić hetaje mierapryjemstva «z metaj abjadnańnia biełaruskich kiniematahrafistaŭ u adzinuju supolnaść dla dalejšaj pracy nad stvareńniem ahulnaj stratehii raźvićcia biełaruskaha kino».
Mierapryjemstva adbudziecca ŭ farmacie BarCamp — svojeasablivaj antykanfierencyi, jakaja praduhledžvaje aktyŭny ŭdzieł biełaruskich kiniematahrafistaŭ z roznym dośviedam i śpiecyjalizacyjaj. Prahramu źjezda ŭdzielniki vyznačajuć samastojna: možna prapanavać temu dla abmierkavańnia i ŭdzielničać u pracy siekcyj, paviedamlaje «Budźma».
Na dumku arhanizataraŭ, źjezd daje ŭnikalnuju mahčymaść abmianiacca dośviedam, a taksama znajsci padtrymku dla svaich prajektaŭ. Adzinaje patrabavańnie — być hatovym da aktyŭnaha ŭdziełu ŭ mierapryjemstvach źjezda.
Čakajecca, što na źjezd pryjeduć prafiesijanały kinaindustryi Centralnaj i Uschodniaj Jeŭropy i pradstaŭniki mižnarodnych arhanizacyj u śfiery kinavytvorčaści.
Niefarmalny źjezd niezaležnych biełaruskich kiniematahrafistaŭ projdzie pry partniorskaj padtrymcy Imaguru.
Dla ŭdziełu treba padać zajaŭku da 16 lipienia ŭklučna. Pra vyniki adboru budzie paviedamlena nie paźniej za 20 lipienia.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary