Stołtenbierh ahučyŭ rašeńni, jakija samit NATO prymie ŭ dačynieńni da Ukrainy
Hienieralny sakratar NATO Jens Stołtenbierh raspavioŭ, što na samicie Aljansu ŭ Vilni lidary prymuć pakiet ab Ukrainie, jaki budzie ŭtrymlivać try asnoŭnyja elemienty. Pra heta Stołtenbierh raspavioŭ u piatnicu na pres-kanfierencyi napiaredadni samitu NATO, paviedamlaje «Jeŭrapiejskaja praŭda».
«Na samicie my zrobim Ukrainu jašče macniejšaj i ahučym bačańnie jaje budučyni. Ja čakaju, što sajuźniki prymuć pakiet z tryma elemientami, kab nablizić Ukrainu bližej da NATO», — skazaŭ Stołtenbierh.
Pavodle jaho słoŭ, lidary ŭzhodniać šmathadovuju prahramu padtrymki, kab harantavać poŭnuju ŭzajemasumiaščalnaść pamiž ukrainskimi Uzbrojenymi siłami i NATO.
Pa-druhoje, jak adznačyŭ hienieralny sakratar, na samicie buduć abnoŭlenyja palityčnyja suviazi Ukrainy i NATA šlacham zasnavańnia Rady Ukraina — NATO.
«I treciaje. Ja čakaju, što lidary paćvierdziać, što Ukraina stanie siabram NATO, i buduć adzinyja ŭ tym, jak nablizić Ukrainu bližej da jaje mety», — skazaŭ Stołtenbierh.
Jon dadaŭ, što NATO dapamoža Ukrainie ŭ pierachodzie ad savieckaha da nataŭskaha abstalavańnia i standartaŭ.
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?13
Kamientary