Najvyšejšy antykarupcyjny sud Ukrainy pa materyjałach, pradstaŭlenych Dziaržaŭnym biuro rasśledavańniaŭ (DBR), nacyjanalizavaŭ aktyvy niekalkich nabližanych da Kramla rasijskich aliharchaŭ na miljardy hryŭniaŭ. Havorka idzie, u pryvatnaści, pra Arkadzia i Ihara Ratenbierhaŭ, Aleha Dzierypasku i Jaŭhiena Hiniera.
«Rabotniki DBR vykryli dziasiatki kampanij, afilavanych z rasijskimi ŭładalnikami, dziejnaść jakich padpadała pad dziejańnie punkta 11 častki pieršaj artykuła 4 zakona Ukrainy «Ab sankcyjach». Siarod kančatkovych bienieficyjaraŭ hetych kamiercyjnych struktur — adyjoznyja rasijskija aliharchi, nabližanyja da Pucina. U pryvatnaści, braty Arkadź i Ihar Ratenbierhi, Aleh Dzierypaska, Jaŭhien Hinier», — havorycca ŭ paviedamleńni DBR.
Va ŭłasnaść Ukrainy pierajšli, naprykład, TAA «Hłuchaŭski karjer kvarcytaŭ» i TAA «Mikałajeŭski hlinaziomny zavod» (Dzierypaska, aryjencirovačny košt 10 młrd hrn); TZC Ocean Plaza aryjencirovačnym koštam bolš za 350 młn dalaraŭ ZŠA (Ratenbierhi), 88,89% akcyj AT «Pieršy inviestycyjny bank» (Hinier).
Uładalniki inšych nacyjanalizavanych Ukrainaj aktyvaŭ — rasijanie Alaksandr Panamarenka i Alaksandr Skarabahaćka.
U dachod dziaržavy viernuty ziamielnyja ŭčastki i nieruchomaja majomaść u roznych rehijonach Ukrainy, sotni adzinak śpiecyjalnaj i hruzavoj techniki. Pavodle źviestak DBR, nacyjanalizavany sotni vytvorčych pamiaškańniaŭ, techniki, składoŭ, jakija rasijanie vykarystoŭvali va Ukrainie dla ŭzbahačeńnia.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary