Rasijskaja Dziaržduma zakon ab zabaronie źmieny połu pryniała adnahałosna.
Za zabaronu prahałasavali ŭsie 386 prysutnych deputataŭ, jak piša «Kommiersant».
Pryniaty zakon uvodzić zabaronu na chirurhičnaje ŭmiašańnie i harmanalnuju terapiju. Taksama zabaraniajecca źmianiać poł u dakumientach. Vyklučeńniem stanie tolki miedycynskaje ŭmiašańnie, źviazanaje ź lačeńniem pryrodžanych anamalij. Hramadzianam, jakija ŭžo źmianili poł, budzie zabaroniena ŭsynaŭlać dziaciej, a ich šlub budzie anulavany. Taksama transhiendary nie zmohuć być apiekunami.
Śpikier Dziarždumy Viačasłaŭ Vałodzin raniej zajaŭlaŭ, što aŭtary dakumienta takim čynam chočuć źbierahčy krainu ad «djabalskaj palityki» ZŠA, dzie «prapahandujucca hetyja novyja psieŭdakaštoŭnaści», kolkaść transhiendaraŭ siarod padletkaŭ «užo ŭ try razy bolšaja», čym siarod darosłych, a kolkaść dziaciej, jakija atrymlivajuć harmanalnuju terapiju, «vyrasła za piać hadoŭ bolš čym udvaja».
Krynicy «Kommiersanta» ŭ Dziarždumie paviedamili, što zakonaprajekt raspracavali praz častyja vypadki vykarystańnia daviedak ab źmienie połu ŭchilistami ad vojska. Pa danych MUS Rasii, jakija pryvodziacca ŭ tekście inicyjatyvy, z 2016 pa 2022 hod pa novy pašpart hramadzianina RF na padstavie «źmieny połu» źviarnulisia 2990 čałaviek, u 2016 hodzie takich było tolki 142, a ŭ 2022 hodzie — 996.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda2
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary