Viadoma pra vypadak, kali infarmacyju pra ludziej i ich svajakoŭ, jakija padali dakumienty na apastyl, dasłali na pracu.
«Naša Niva» daviedałasia prynamsi pra adzin vypadak, kali ŭ dziaržaŭnuju ŭstanovu spuścili śpis ludziej, jakija padavali dakumienty na atrymańnie apastyla. Vyhladaje, što infarmacyju davodziać nie tolki pra samoha supracoŭnika, ale i pra siamiejnikaŭ.
Čytač pryznajecca, što dla jaho było vialikim šokam, kali načalstva paklikała na razmovu, jakaja tyčyłasia płanaŭ jaho paŭnaletniaha dziciaci.
«Vyklikali, pačali raspytvać, čym zajmajecca majo dzicia, navošta zrabiła apastyl, čamu i ŭ jakuju krainu źbirajecca jechać», — kaža surazmoŭca.
Pa słovach čytača, kali toj adkazaŭ, što dzicia nieŭzabavie płanuje pierajezd u Polšču, to pytańniaŭ stała jašče bolš.
«Pačali cikavicca, ci jość u jaho ci kahości inšaha z našaj siamji karta palaka, čamu nie siadzicca na radzimie i h. d. Paraili parazmaŭlać ź dziciom, kab toj nie narabiŭ duraściaŭ. Usia hetaja razmova vyhladała vielmi dziŭna», — pryznajecca surazmoŭca.
Pačynajuć cisnuć navat z-za rodzičaŭ. Novy ŭzrovień u baraćbie z uładalnikami karty palaka?
-
U Polščy terminy razhladu spraŭ ab DNŽ zamarozili da sakavika 2027 hoda. A pa mižnarodnaj abaronie — viarnuli
-
«Tam piekła dla ŭsich: i dla supracoŭnikaŭ, i dla asudžanych». Hutarka z byłym palitviaźniem, błohieram Paŭłam Śpirynym
-
U žančyny na zavodzie zahinuŭ syn. Jakuju joj prysudzili kampiensacyju?
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu11
Kamientary