Markietołah prahnozu nadvorja WindyApp pryjechaŭ na radzimu — i jaho pasadzili na piać hadoŭ za kryptadanaty Ukrainie
Apošnija hady Dźmitryj Novikaŭ pracavaŭ u Polščy.
Minčuku Dźmitryju Novikavu 31 hod. U 2017 hodzie chłopiec skončyŭ Biełaruski dziaržaŭny ŭniviersitet pa śpiecyjalnaści «internet-markietynh».
Karjeru budavaŭ u śfiery prasoŭvańnia mabilnych praduktaŭ i pačynaŭ u rekłamnych ahienctvach, pracavaŭ u kampanii Zorka.Mobi. Z 2019 hoda zajmaŭ pasadu viadučaha śpiecyjalista pa pryciahnieńni karystalnikaŭ (Senior User Acquisition Manager) u papularnym servisie prahnozu nadvorja WindyApp, dzie kiravaŭ kamandaj markietynhu i analizavaŭ ličbavyja danyja.
Dźmitryj apošnija hady pracavaŭ u Polščy, adnak paśla viarnuŭsia ŭ Biełaruś. Praz try miesiacy paśla viartańnia, 16 śniežnia 2025 hoda, chłopca zatrymali. Padstavaj dla kryminalnaha pieraśledu, pavodle «Viasny», stali dva nievialikija hrašovyja pieravody ŭ kryptavalucie na humanitarnyja patreby biełaruskich dobraachvotnikaŭ, jakija baroniać niezaležnaść Ukrainy.
U mai 2026 hoda Minski haradski sud vynies prysud pavodle artykuła 361‑3 Kryminalnaha kodeksa.
Sudździa pryznačyŭ Dźmitryju piać hadoŭ kałonii.
Novikava nakiravali adbyvać termin u papraŭčuju kałoniju №22 «Voŭčyja nory».
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10 050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆU Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»
25‑hadovaha kaardynatara IT-prajektaŭ pa viartańni z Polščy asudzili za «sadziejničańnie ekstremizmu»
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary