Tempieratura pavietra ŭ Biełarusi raście ŭ try razy chutčej, čym na płaniecie
Maksimalny rost hadavoj tempieratury adznačajecca na paŭdniovym uschodzie.
Tempieratura pavietra na terytoryi Biełarusi raście ŭ try razy chutčej, čym na płaniecie ŭ cełym. Viadučy navukovy supracoŭnik NPC pa bijaresursach Akademii navuk Biełarusi Anatol Kułak tłumačyć, što heta źviazana z našym fizika-hieahrafičnym stanoviščam — Paŭnočnaje paŭšarje nahravajecca macniej, jak i suša, addalenaja ad akijanaŭ. Najbolšymi tempami siaredniaja tempieratura raście ŭ chałodny pieryjad hoda i krychu pavolniej — u ciopły pieryjad.
— Ustojlivaje śniežnaje pokryva słužyć dla nasiakomych abaronaj ad mocnych marozaŭ i nasiakomajednych ptušak. A jaho adsutnaść pryvodzić da taho, što kolkaść vidaŭ skaračajecca, — raskazaŭ jon sb.by.
Znakavaj była zima-2019/20, kali ŭstojlivaja minusavaja tempieratura nie nazirałasia. U vyniku kolkaść asobnych vidaŭ nasiakomych, u pryvatnaści načnych matylkoŭ, źniziłasia ŭ dziasiatki i navat sotni razoŭ. Ciapier ich papulacyja pastupova adnaŭlajecca.
Navukoviec prahnazuje, što źmianieńnie klimatu budzie akazvać upłyŭ na raźvićcio ekasistem.
Za 30 hadoŭ siaredniehadavaja tempieratura ŭ Biełarusi vyrasła na 1,36 hradusa i skłała amal 7,3 hradusa.
Ciepłalubivyja pradstaŭniki žyviolnaha śvietu stali aktyŭna da nas pranikać z poŭdnia i pastupova raśsialacca na poŭnač. U Bresckaj vobłaści zaŭvažyli załacistaha šakała, a na terytoryi Paleskaha radyjacyjnaha zapaviednika pasialiłasia papulacyja kania Pržavalskaha. Ale bolš za ŭsio źmieny adbivajucca na mabilnych vidach — nasiakomych i ptuškach.
Ciapier čytajuć
U Biełarusi znajšli kopiju šviejcarskich Alpaŭ — ale turystaŭ tam nie čakajuć1
Kamientary