Ułady rapartujuć pra rost VUP, ale supastaŭleńnie statystyki pakazvaje, što ŭ realnaści praciahvajecca «stračanaje dziesiacihodździe»

Ciapier my majem spravu z adnaŭlenčym rostam VUP paśla padzieńnia jaho letaś, ekanomika pastupova pačynaje adaptavacca da novych umoŭ. Ale, kab dasiahnuć uzroŭniu davajennaha 2021 hoda, VUP Biełarusi pa vynikach hoda musić vyraści na 4,7%, bo roŭna na stolki letaś, pavodle aficyjnych danych, skaraciŭsia biełaruski VUP, chacia ŭrad raźličvaŭ na jaho rost za hod na 2,9%.

Takim čynam, letaś vyjšła tak, što roźnica pamiž zapłanavanymi i realnymi pakazčykami skłała 7,6%. Sioleta, zhodna z płanam sacyjalna-ekanamičnaha raźvićcia Biełarusi na 2023 hod, VUP pavinien vyraści na 3,8%. Na takija pakazčyki raźličvajuć va ŭradzie. To-bok navat pa prahnozach samich uładaŭ VUP Biełarusi nie dasiahnie pakazčykaŭ davajennaha 2021 hoda.

Jak źmianiaŭsia VUP za apošnija 10 hadoŭ?

Pa vynikach 2012 hoda VUP Biełarusi vyras na 1,5%, u 2013 — na 0,9%, a ŭ 2014 — jašče na 1,6%. Pa vynikach 2015 hoda VUP Biełarusi skaraciŭsia adrazu na 3,9%. U 2016 hodzie tendencyja zachavałasia: VUP skaraciŭsia jašče na 2,6% navat u paraŭnańni z abvalnym 2015 hodam. Dva hady padzieńnia biełaruskaj ekanomiki adbylisia paśla taho, jak Rasija anieksavała Krym. Bližej da kanca 2014 hoda pačaŭ prasiadać kurs rasijskaha rubla. Tendencyja na asłableńnie rasijskaj valuty zachavałasia taksama ŭ 2015 i 2016 hadach. Dvuchrazovaje asłableńnie rasijskaha rubla adnosna dalara ZŠA nie mahło nie adbicca na Biełarusi, bo Rasija była našym hałoŭnym ekanamičnym partnioram.

Paralelna z rasijskaj, paśla anieksii Kryma i pačatku vajny na Danbasie, u tyja hady mocna ciarpieła i ŭkrainskaja ekanomika. Ukraina ŭ svaju čarhu taksama ŭvachodziła ŭ top ekanamičnych partnioraŭ Biełarusi.

Kali hladzieć na pakazčyki VUP u dalaravym vymiareńni, to asabliva vyjaŭna bačna, što minułyja vosiem hadoŭ biełaruskaja ekanomika taptałasia na miescy. 2014 hod zastajecca samym paśpiachovym u historyi biełaruskaj ekanomiki, kali VUP składaŭ 78,81 miljarda dalaraŭ.

Pavialičyć

U dalaravym ekvivalencie za dva hady recesii (2015—2016) biełaruskaja ekanomika straciła 28,6 młrd dalaraŭ, abo 37,8%.

Maksimalna nablizicca da pakazčykaŭ 2014 hoda ŭdałosia tolki ŭ 2022 hodzie, kali VUP Biełarusi pa vynikach hoda ŭ dalaravym ekvivalencie raŭniaŭsia 72,79 młrd. I heta pry tym, što sam dalar za hety čas abiasceniŭsia ŭ vyniku inflacyi — jakaja była asabliva vysokaja ŭ postkavidny pieryjad.

Padzieńnie kursa rubla, jakoje paskoryłasia letam, daje padstavy dumać, što hadavy pakazčyk VUP u dalaravym vyražeńni naŭrad ci dasiahnie navat uzroŭniu 2022 hoda. Heta značyć, što «stračanaje dziesiacihodździe praciahvajecca». 

Čytajcie taksama: 

Stała viadoma, kolki kaštuje tranzit biełaruskich hruzaŭ praz Rasiju

Vienhry pajšli nasustrač Jančeŭskamu i pahadzilisia stvaryć prakładku dla kampanij PVT — krynicy

• 7
• 0
• 8
• 4
• 1
• 6
• 1
• 0