U jutub vykłali film «Chroniki sučasnaści» z kadrami z pratestaŭ. HUBAZiK pahražaje zatrymańniami
Siońnia adbyłasia premjera filma «Chroniki sučasnaści» biełaruskaha dakumientalista Mikałaja Maminava na jutub-kanale Delfi. Častka ludziej na kadrach zamazanyja, ale vialikaja častka vypadkovych hierojaŭ filma pakazanyja bujnymi płanami pasiarod darohi.
Biełaruskija śpiecsłužby traktujuć vychad na prajeznuju častku jak złačynstva.
Vierahodna, bolšaść ludziej, pakazanych u filmie, užo traplali na zdymki śpiecsłužbaŭ. Ale prablema takich tvoraŭ (jak i z knihaj «Ja vychodžu») u tym, što jany pryciahvajuć dadatkovuju ŭvahu da ludziej, jakija da hetaha mahli trapić u pole zroku śpiecsłužbaŭ. Paśla kožnaha hučnaha tvoru pra pratesty śpiecsłužby pačynali chvali represij suprać tych, chto ŭ im «zaśviaciŭsia».
HUBAZiK u kamientarach da filma staŭ pisać, što ŭžo šukaje ludziej, jakija trapili ŭ kadr.
Paźniej film z kanała Delfi vydalili, ale jon zastaŭsia ŭ siłavikoŭ — jany zalili videa na svoj kanał. Videa paśla hetaha apublikavała taksama «Viasna» — kab ludzi mahli znajści siabie.
Kali vy zaŭvažyli ŭ filmie znajomych, papiaredźcie ich, kab jany mahli pryniać miery biaśpieki.
Kali vy ŭnutry Biełarusi, to pa parady nakont vyjezdu možna źviartacca da BYSOL. Kali vy vyrašyli zastavacca ŭ krainie, to varta zrabić dadatkovyja zachady biaśpieki. Časta ŭ ludziej paśla zatrymańnia znachodziać materyjały dla dadatkovych artykułaŭ (naprykład, kamientary abo skidańnie infarmacyi ŭ boty), tamu varta pakłapacicca pra źmiest svaich hadžetaŭ i inšyja rečy.
«Naša Niva» — bastyjon biełaruščyny
PADTRYMAĆ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary