«Z taho boku niama ani najmienšaj dobraj voli». Kiraŭnik polskaha MUS vykazaŭsia pra pierśpiektyvy vyzvaleńnia Andreja Pačobuta
Ministr unutranych spraŭ Polščy Marjuš Kamiński zajaviŭ, što na hety momant niama nijakich umoŭ dla vyzvaleńnia žurnalista-palitviaźnia, aktyvista polskaj nacyjanalnaj supolnaści ŭ Biełarusi Andreja Pačobuta z turmy.
«My raspačali ŭsie mahčymyja sproby vyzvalić Andreja Pačobuta z turmy. Adnak ź vialikim škadavańniem davodzicca kanstatavać, što na siońnia dla hetaha niama nijakich umoŭ. Z taho boku niama ani najmienšaj dobraj voli», — cytuje čynoŭnika Wnp.pl.
Ministr padkreśliŭ, adnak, što nieabchodna pamiatać jak pra Pačobuta, tak i pra sotni inšych palityčnych źniavolenych u Biełarusi.
«Heta sapraŭdnyja biełarusy, a nie Łukašenka. Heta lidary, kiraŭniki biełaruskaj nacyi, jakija znachodziacca ŭ turmie, heta tyja, chto realna pradstaŭlaje biełaruskuju nacyju. I z takoj nacyjaj my budziem stvarać ahulnuju budučyniu», — zajaviŭ Marjuš Kamiński.
Pavodle słoŭ žonki palitviaźnia Aksany Pačobut, z 6 lipienia jana nie atrymlivaje ad muža listoŭ. Jak miarkujecca, u kałonii jon byŭ adpraŭleny ŭ štrafny izalatar.
U lutym hetaha hoda Pačobuta asudzili da vaśmi hadoŭ kałonii ŭzmocnienaha režymu. Pakarańnie jon adbyvaje ŭ navapołackaj kałonii.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary