Minčukam prapanavali tanna pabudavacca ŭ Lachavičach. Kolki achvotnych?
U stalicy ŭ čarzie na palapšeńnie žyllovych umoŭ staić bolš za 180 tysiač siemjaŭ. Kvatery ŭ novabudoŭlach apošnimi hadami atrymlivajuć u asnoŭnym ilhotniki, siarod jakich samaja vialikaja dola — šmatdzietnyja siemji. Minskim čarhavikam prapanavali niečakany varyjant — pabudavać kvatery nie ŭ horadzie-spadarožniku Smalavičy, a ŭ rajcentry Lachavičy. Što z hetaj inicyjatyvy atrymałasia, piša Tochka.by.
Lachavičy — rajcentr u Bresckaj vobłaści. Da Minska adtul 160 kiłamietraŭ.
U Lachavičach minčanam prapanujuć 5-paviarchovy dom na 60 kvater, raźmieščany na vulicy Južakova, 18a.
«Buduje jaho Hancavickaje UKB. Hetaja arhanizacyja ŭzvodziła dva apošnija šmatpaviarchovyja damy, pabudavanyja ŭ Lachavičach», — raspaviali žurnalistu ŭ adździele architektury i horadabudaŭnictva.
Supracoŭnica rajvykankama dadała, što ŭ domie budzie lift, płoski dach, budynak biez haryšča, ale pad usim domam — techničnaje pamiaškańnie.
«Apornyja ŭnutranyja ścieny i pieraharodki — z žalezabietonnych panelaŭ, vonkavyja ścieny — z błokaŭ jačeistaha bietonu, z uciapleńniem minierałavatnymi plitami, vonkavaje azdableńnie — lohkaja tynkavalnaja sistema», — praciahnuła pracaŭnica adździeła architektury i horadabudaŭnictva.
Na padłozie ŭ kvaterach pakładuć łaminat, vokny i bałkonnyja dźviery ŭ domie — z PVCH-profilu, u žyłych pakojach, vitalni, kalidory i kuchni buduć paklejenyja špalery, vanny pakoj i sanvuzieł pafarbujuć akryłavaj farbaj.
«Niedaloka škoła, u dvarach dziciačy sad, «Jeŭraopt», krama rajspažyŭtavarystva i niadrennaja praduktovaja pryvatnaja krama ŭ krokavaj dastupnaści: miesca niadrennaje, pobač pryvatny siektar», — raskazała čynoŭnica.
Amal u dva z pałovaj razu tańniej za stalicu
Kolki ž treba zapłacić?
«Budaŭnictva — dolevaje. Heta značyć, vy apłačvajecie dolami, pa miery ŭźviadzieńnia doma. Košt mietra z azdableńniem — 1949,09 rubla, biez — 1763,62 rubla (prykładna 645 i 584 dalary, pavodle kursa Nacbanka. — zaŭv. Tochka.by). I vy adrazu viedajecie, jakuju kvateru vy apłačvajecie. Tamu vy možacie navat kantralavać praces azdableńnia. Kab nie było pretenzij i vašu kvateru zrabili jakaśniej», — adznačyła čynoŭnica.
Zdać hety dom u ekspłuatacyju abiacajuć u kastryčniku 2023 hoda.
Na pytańnie, kolki ž minčan cikavilisia pierśpiektyvami pierajezdu ŭ rajcentr Bresckaj vobłaści, surazmoŭnica dała źbiantežany adkaz: «Vy pieršy».
Padavać zajavy pa miescy žycharstva minčanie mahli da 16 lipienia.
«Pakul dakumientaŭ dolščykaŭ ź Minska ŭ nas niama. A ci źbirajucca jany, ci nie — ja nie viedaju. Z pakietam dakumientaŭ praz «Adno akno» nichto nie źviartaŭsia — heta ja mahu skazać stoadsotkava»,
— adkazała žurnalistam supracoŭnica adździeła architektury i horadabudaŭnictva.
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik28
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje55
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje5
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1313
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć13
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary
Tamu što ŭsia kraina suprać!