Vajna1212

«24 lutaha a 5-j ranicy byŭ pieršy pusk». Rasijski apieratar «Iskandera» raspavioŭ, jak ź Biełarusi abstrelvali rakietami Ukrainu

Vydańnie «Novaja hazieta Jevropa» zmahło pahutaryć z rasijskim vajskoŭcam, jaki ŭ składzie bryhady «Iskanderaŭ» jašče pierad vajnoj apynuŭsia ŭ Biełarusi, a zatym ź jaje terytoryi ŭdzielničaŭ u masavym zapusku rakiet pa Ukrainie. 

Rasijski rakietny kompleks «Iskander». Fota: military-arms

Były rasijski apieratar rakietnaha kompleksu «Iskander» pa imieni Kamil, jaki dezierciravaŭ z vojska, niadaŭna raspavioŭ vydańniu «Novaja hazieta Jevropa» pra svoj udzieł u masavych rakietnych abstrełach Ukrainy z terytoryi Biełarusi. 

Pa słovach byłoha vajskoŭca, jaho rakietnuju bryhadu z Ułan-Ude adpravili na vučeńni ŭ Biełaruś jašče ŭ kancy 2021 hoda, adnak ni ŭ jakich vučeńniach, jak śćviardžaje Kamil, jaho bryhada nie ŭdzielničała, a adrazu ž raźmiaściłasia «na terytoryi biełaruskaha artyleryjskaha palihona», dzie čakała dalejšych ukazańniaŭ.

Sami ŭkazańni nie prymusili siabie doŭha čakać, užo praz paru miesiacaŭ ranicaj 24 lutaha bryhadzie «Iskanderaŭ» byŭ dadzieny zahad stralać pa vajskovych i cyvilnych abjektach Ukrainy.

«24 lutaha a 5-j ranicy byŭ zrobleny pieršy pusk — rakieta majho «Iskandera» palacieła kudyści na poŭdzień. Tak my zrazumieli, što pačałasia vajna. Bolšaść maich tavaryšaŭ pa słužbie jaje padtrymali, a kali bačyli fatahrafii razbureńniaŭ va ŭkrainskich haradach, to śpichvali ŭsio na dziejańni samich kijeŭskich uład. Ale ja pa fatahrafijach zrazumieŭ, što staŭ saŭdzielnikam złačynstvaŭ. Ja byŭ u šoku», — apisvaje svaje ŭspaminy Kamil.

Jak adznačaje były vajskoviec, u jaho bryhadzie było kala 15 puskavych ustanovak, ź jakich za ŭvieś čas ich znachodžańnia ŭ Biełarusi było vypuščana 80—90 rakiet u bok Ukrainy. 

U Biełarusi znachodzilisia jany paŭhoda z momantu pačatku vajny, paśla čaho Kamila i ŭsich jaho tavaryšaŭ pa słužbie adpuścili ŭ adpačynak dadomu. Užo tady Kamil vyrašyŭ uciačy z Uzbrojenych sił, kab bolš nie traplać na front. Na hetaje rašeńnie ŭ tym liku paŭpłyvaŭ jahony brat z vyraznaj antyvajennaj pazicyjaj. 

U vyniku były vajskoviec znoŭ viarnuŭsia ŭ Biełaruś, kab užo adtul vylecieć u Kazachstan. Adnak biełaruskija mytniki ŭčuli niešta niadobraje.

«Było vielmi niebiaśpiečna źjazdžać, bo ja mieŭ dopusk da sakretnaj infarmacyi, tamu ja vyrašyŭ jechać u Kazachstan nie naŭprost, a praź Biełaruś. Pry hetym užo ŭ minskim aeraporcie mytniki niešta zapadozryli: aktyŭna dahladali rečy, bo vyjavili maju vajskovuju prypisku da Ułan-Ude. Adnak mianie ŭ vyniku prapuścili, i ciapier ja ŭ biaśpiecy», — dzielicca Kamil.

Nahadajem, što dniami Fiederacyja amierykanskich navukoŭcaŭ vyjaviła budaŭnictva novaha anhara dla rasijskich «Iskanderaŭ» u Asipovičach, dzie ciapier skancentravana niekalki tysiač najmitaŭ PVK «Vahnier», jakija praciahvajuć prybyvać u Biełaruś pa damoŭlenaści z kiraŭnictvam Rasii.

Kamientary12

  • Josik
    30.07.2023
    Mo ŭsio ž pamiežniki, jany praviarajuć dakumienty, dazvoły, papiery. Mytnia sočyć, kab ty abaviazkova ŭziaŭ z saboj 1 litar najsmačniejšaj harełki, i 200 najmacniejšych cyharet.
  • Ch487469
    30.07.2023
    ukrainskij mossad najdiet vsiech etich kamilej. Nikto nie ostanietsia bieznakazannym.
  • --
    30.07.2023
    @i ciapier ja ŭ biaśpiecy», — dzielicca Kamil
    ništo sabie... zabojca rady, što jon u biaśpiecy

    https://dck8xvlq18iei.cloudfront.net/322840

Ciapier čytajuć

Kamandujučym NATA staŭ hienierał Hrynkievič. Uražvaje, nakolki jon padobny da niekatorych Hrynkievičaŭ, jakija žyvuć u Biełarusi10

Kamandujučym NATA staŭ hienierał Hrynkievič. Uražvaje, nakolki jon padobny da niekatorych Hrynkievičaŭ, jakija žyvuć u Biełarusi

Usie naviny →
Usie naviny

Źnikli kryžy na mohiłkach u Hudahai

U Minsku razburajuć murał na Mašerava, jaki letaś «restaŭravali»1

Jeŭrasajuz rychtuje poŭnuju zabaronu apieracyj ź biełaruskimi bankami80

U lesie pad Śvietłahorskam vyratavali sabaku, zakapanaha žyŭcom8

Vypusknica z Baranavičaŭ nabrała 400 bałaŭ z 400 mahčymych dla pastupleńnia6

U kaho kantrol nad danymi karystalnikaŭ Telegram? Novaje rasśledavańnie13

Karupcyjnaja sprava na Mazyrskim NPZ. Što viadoma?

Rasijanie vyrazali na ciele ŭkrainskaha pałonnaha słovy «Słava Rasii»9

Kruty pryznaŭsia Łukašenku, što akupnaść Biełaruśfilma — 3%6

bolš čytanych navin
bolš łajkanych navin

Kamandujučym NATA staŭ hienierał Hrynkievič. Uražvaje, nakolki jon padobny da niekatorych Hrynkievičaŭ, jakija žyvuć u Biełarusi10

Kamandujučym NATA staŭ hienierał Hrynkievič. Uražvaje, nakolki jon padobny da niekatorych Hrynkievičaŭ, jakija žyvuć u Biełarusi

Hałoŭnaje
Usie naviny →

Zaŭvaha:

 

 

 

 

Zakryć Paviedamić