U Alšanach na Stolinščynie trapiŭ u reanimacyju 13-hadovy matacyklist
U DTZ u Stolinskim rajonie surjoznyja traŭmy atrymaŭ 13-hadovy matacyklist, paviedamili va UUS Bresckaha abłvykankama.
Zdareńnie adbyłosia kala 10:30 2 žniŭnia ŭ ahraharadku Alšany. Pavodle papiarednich źviestak, 52-hadovy kiroŭca HAZ ruchaŭsia pa vulicy Savieckaj. Pry razvarocie jon nie pierakanaŭsia ŭ biaśpiecy manieŭru i ŭrezaŭsia ŭ matacykł Hors.
Za rulom matacykła znachodziŭsia 13-hadovy padletak. Chłopčyk z traŭmami pastupiŭ u reanimacyju balnicy.
Pry hetym udzielničać u darožnym ruchu matacyklistam dazvalajecca tolki z 16 hadoŭ pry najaŭnaści paśviedčańnia kiroŭcy katehoryi A. Za kiravańnie matacykłam biez pravoŭ praduhledžany štraf ad 5 da 20 bazavych vieličyń.
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary
Nie maje značeńnia kolki hadoŭ inšamu ŭdzielniku ruchu - 10 ci 110, taksama nia maje značeńnia chutkaść matacykła, choć 1000 km/hd. Pavodle Praviłaŭ jon maje prava prajezdu i jedzie. Hety kiroŭca z-za niaŭvažlivaści ci jašče ź jakoj pryčyny nie prapuściŭ udzielnika ruchu, jaki maje prava prajezdu. Zrabiŭ hrubaje parušeńnie PDR i ŭ vyniku majem.
"Kožny ŭdzielnik ruchu pavinien być peŭny, što i astatnija udzielniki buduć vykonvać Praviły...." Matacyklist ruchaŭsia, mieŭ prava prajezdu i nie abaviazany zdahadvacca, što ŭ durnavataj hałavie kiroŭcy hruzavika. Jon ruchaŭsia i na padstavie zakona byŭ peŭny, što hruzavik jaho prapuścić. Praviły darožnaha ruchu majuć status Zakona Respubliki Biełaruś. Kiroŭca hruzavika vinavaty 100%. A toje što matacyklistu było mała ci mnoha hadoŭ a moža jašče bializna dziŭnaha koleru, heta inšaja historyja i nie upłyvaje na stupień viny kiroŭcy hruzavika.