Kiraŭnik «DNR» Pušylin prapanavaŭ Biełarusi paŭdzielničać u zabudovie akupavanaha Azoŭskaha ŭźbiarežža
«Čamu b dla siabroŭskaj Respubliki Biełaruś, jakaja taksama padviarhajecca ahresii z boku źniešniaha śvietu, taksama nie zrabić dastupnym Azoŭskaje mora?» — zadaŭsia pytańniem Dzianis Pušylin.
Ułady «Danieckaj narodnaj respubliki» raźličvajuć na ŭdzieł Biełarusi ŭ zabudovie Azoŭskaha ŭźbiarežža. Pra heta TASS paviedamiŭ v. a. kiraŭnika rehijona Dzianis Pušylin.
«U nas ža jość Sajuznaja dziaržava [Rasii i Biełarusi]. Čamu b dla siabroŭskaj Respubliki Biełaruś, jakaja taksama padviarhajecca ahresii z boku źniešniaha śvietu, taksama nie zrabić dastupnym Azoŭskaje mora? Čamu b Respublicy Biełaruś taksama nie vydzielić učastki ziamli, dzie mohuć być pabudavany pansijanaty, damy adpačynku, sanatoryi? Takaja ideja, viadoma, jość», — skazaŭ Pušylin.
Jon udakładniŭ, što ŭ vypadku ŭchvaleńnia inicyjatyvy Pucinym ułady rehijona jaje taksama padtrymajuć u poŭnaj miery.
Pušylin taksama paviedamiŭ, što šef-rehijonam, jakija buduć adnaŭlać Danbas, mohuć prapanavać ziemli Azoŭskaha ŭźbiarežža dla stvareńnia kurortnych zon.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary