Vahnieraŭcy ŭ Biełarusi — niebiaśpieka, ale jašče nie pahroza — kamandujučy Abjadnanych sił USU
«Kali jany stvorać adpaviednyja abo dyviersijna-raźviedvalnyja hrupy, abo naziemnuju nastupalnuju hrupoŭku, heta i stanie realnaj pahrozaj», — tłumačyć u intervju RBK-Ukraina kamandujučy Abjadnanych sił USU, hienierał-lejtenant Siarhiej Najeŭ.
«Stanam na siońnia na terytoryi Respubliki Biełaruś znachodzicca da 6,5 tysiač čałaviek-najmitaŭ PVK «Vahnier». U vajennaj navucy jość dva paniaćci — vajennaja niebiaśpieka i vajennaja pahroza. Dla cyvilnych tłumaču, kali jedzie aŭtamabil — heta niebiaśpieka, a kali jon jedzie prosta na ciabie — heta pahroza. Tamu, znachodžańnie PVK «Vahnier» u Biełarusi jość niebiaśpieka, ale kali jany stvorać adpaviednyja abo dyviersijna-raźviedvalnyja hrupy, abo naziemnuju nastupalnuju hrupoŭku, heta i stanie realnaj pahrozaj. Tamu, my nie čakajem, kali hetaja pahroza ŭtvorycca, my robim usio, kab pavysić našy abaronnyja zdolnaści», — tłumačyć hienierał Najeŭ.
Jon taksama nie vyklučaje prymianieńnia PVK na terytoryi pryhraničnych rajonaŭ Polščy i Litvy.
«Najbolš vierahodna bajeviki PVK pry sadziejničańni Kamiteta dziaržaŭnaj biaśpieki Biełarusi i FSB RF buduć pravodzić pošuk słaba kantralavanych učastkaŭ miažy, vyvodzić z ładu techničnyja srodki nazirańnia i da taho padobnaje. U vypadku realizacyi nazvanaha scenara, praciŭnik moža nakiroŭvać svaju dziejnaść na ŭskładnieńnie pastavak Ukrainie vajennaj materyjalna-techničnaj dapamohi ad krain-partnioraŭ», — dadaje Najeŭ.
Adnak jon nie vyklučaje i mažlivaści paŭtornaha nastupu na Kijeŭ.
«Paŭtornaha nastupu na Kijeŭ nichto nikoli nie asprečvaŭ. My razumiejem, što varožyja namiery zaležać tolki ad rašeńniaŭ najvyšejšaha palityčnaha kiraŭnictva RF. Takaja vierahodnaść isnuje, ale stanam na ciapier jana nie padmacavana siłami i srodkami. Ale heta nie značyć, što ŭ dalejšym jana nie moža adbycca. Usio budzie zaležać ad: a) pryniaćcia rašeńniaŭ, b) najaŭnaści sił i srodkaŭ», — miarkuje kamandujučy Abjadnanych sił USU.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary15
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary