Bresckija desantniki hetymi dniami prachodziać padrychtoŭku z udziełam najmitaŭ z hrupy «Vahnier», paviedamiŭ telekanał «Biełaruś 1» sa spasyłkaj na Minabarony Biełarusi.
«Pad Brestam idzie padrychtoŭka padraździaleńnia 38-j Bresckaj asobnaj hvardziejskaj desantna-šturmavoj bryhady. Hvardziejcy vyvučajuć minna-vybuchovyja zaharody, taktyčnuju miedycynu, akazańnie pieršaj dapamohi i samadapamohi pry roznych ahniastrelnych ranieńniach.
Taksama pry padrychtoŭcy bajcy aktyŭna vykarystoŭvajuć dośvied «SVA». Jak adznačajuć śpiecyjalisty, siońnia heta nieadjemnaja častka navučańnia dla paśpiachovaha funkcyjanavańnia Uzbrojenych sił», — havorycca ŭ paviedamleńni.
Dośvied «SVA» (eŭfiemizmam «śpiecyjalnaja vajennaja apieracyja» rasijskija i łukašenkaŭskija prapahandysty nazyvajuć zachopnickuju vajnu Rasii suprać Ukrainy) pieradavali bresckim desantnikam niadaŭnija niepasrednyja jaje ŭdzielniki.
«Dla taho, kab być u kursie sučasnych vajskovych trendaŭ, bresckija desantniki pravodzili treniroŭki i ź instruktarami pryvatnaj vajskovaj kampanii «Vahnier». Na bresckim palihonie sumiesna adpracoŭvali samyja aktualnyja i patrebnyja elemienty bajavych dziejańniaŭ», — adznačyli ŭ Minabarony.
Čytajcie taksama:
Infarmacyja pra vahnieraŭcaŭ na biełaruska-litoŭskaj miažy moža być ukidam — «Biełaruski Hajun»
-
Ivan Prus raskazaŭ, jak nažyŭsia na 200 dalaraŭ, pasialiŭšy kinazorku va ŭbitaj kvatery kala zvałki ŭ Šabanach, abstaŭlenaj rečami ź jaho internata
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary