NATA sočyć za vajennaj aktyŭnaściu ŭ Biełarusi, adnak nie bačyć ani pramoj, ani apasrodkavanaj pahrozy sajuźnikam z boku PVK «Vahnier». Takuju zajavu zrabiła aficyjnaja pradstaŭnica NATA Aana Łunhiesku ŭ intervju polskamu infarmahienctvu PAP.
Reahujučy na ahresiŭnyja dziejańni Rasii, NATA ŭzmacniła svaju abaronnuju prysutnaść na ŭschodnim fłanhu i pradaŭžaje rabić usio nieabchodnaje dla strymlivańnia ŭsiakaj pahrozy i abarony kožnaha santymietra terytoryi aljansu, padkreśliła surazmoŭca ahienctva.
7 žniŭnia Biełaruś pačała vajskovyja vučeńni kala miažy z Polščaj i Litvoj. Pry hetym Minabarony ŭ Minsku paviedamiła, što zasnavanyja hetyja manieŭry na dośviedzie, atrymanym u vyniku «śpiecyjalnaj vajennaj apieracyi» (to-bok vajny Rasii suprać Ukrainy).
Vučeńni prachodziać u Hrodzienskaj vobłaści, niedaloka ad tak zvanaha Suvałkskaha kalidora — terytoryi praciahłaściu mienšaj za sto kiłamietraŭ, jakaja złučaje Polšču i Litvu i adździalaje Kalininhradskuju vobłaść RF ad Biełarusi.
Miž tym Minabarony Polščy 8 žniŭnia, zadavoliŭšy zapyt pamiežnaj słužby, uzhadniła pierakidvańnie jašče 1000 vajskoŭcaŭ da miažy ź Biełaruśsiu. Heta było zroblena na fonie sprobaŭ nielehalnaha pierachodu miažy. Pierakidvaje na miažu dadatkovyja siły i Litva.
U intervju ahienctvu Aana Łunhiesku paŭtaryła źviernuty da suśvietnaj supolnaści zaklik kiraŭnictva NATA, jaki prahučaŭ na samicie Paŭnočnaatłantyčnaha aljansu ŭ Vilni: nie padtrymlivać Rasiju ŭ jaje ahresiŭnaj vajnie suprać Ukrainy i asudzić usich, chto robić heta.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj36
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary