U minskaj balnicy pamior mužčyna nibyta paśla «hutarki» ŭ RUUS. Što pra heta viadoma?
Telekanał «Biełsat» učora na padstavie svaich krynic paviedamiŭ, što ŭ Minsku niadaŭna paśla «hutarki» ŭ Pieršamajskim RUUS u balnicy pamior mužčyna. U jaho nibyta byli pierałomy pazvankoŭ šyjnaha adździeła. Ciapier vyśvietlilisia niekatoryja padrabiaznaści hetaj spravy, choć poŭnaj jasnaści pakul usio adno niama.
«Pamior jon u špitali chutkaj dapamohi ad atrymanych traŭmaŭ, a mienavita — pierałom 2, 3, 4-ha pazvankoŭ šyjnaha adździeła, — na piatyja sutki paśla apieracyi», — paviedamili «Biełsatu» znajomyja zahinułaha.
Pavodle krynic telekanała, mužčynu zatrymali 5 žniŭnia ŭ Novaj Baravoj u kramie «Hipa». U balnicu jaho dastavili nibyta pad kanvojem ź Pieršamajskaha RUUS. Ci pravodzicca pravierka pa fakcie śmierci minčuka — nieviadoma.
Udałosia taksama ŭstanavić, što mužčynu zvali Arciom Zajac, jamu było 32 hady.
Vydańnie «Lusterka», u svaju čarhu, pry dapamozie inicyjatyvy Belpol vyśvietliła, što Arciom Zajac byŭ nieadnarazova sudzimy, jak praviła, za kradziažy. Dva razy jaho zatrymlivali ŭ 2011 hodzie, paśla čaho jon adbyvaŭ termin 1,5 hoda pazbaŭleńnia voli ŭ PK-17 u Škłovie. U mai 2020 hoda jamu prysudzili paŭtara hoda kałonii ahulnaha režymu za ŭchileńnie ad «chimii», jakuju jon atrymaŭ u 2019 hodzie za kradziež i prysvajeńnie majomaści.
Pry hetym u Belpol padkreślili, što jany nie vałodajuć infarmacyjaj, za što Arciom Zajac byŭ zatrymany hetym razam.
Čytajcie taksama:
Žančynu z Fanipala asudzili na paŭtara hoda «chatniaj chimii» za ŭdzieł u pratestach
U Hiermanii zatrymali piaciarych biełarusaŭ, jakija tam pracavali nielehalna
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary