U Homieli kamuści vynieśli rekordna surovy prysud pa spravie ab «reabilitacyi nacyzmu»
Homielski abłasny sud vynies blizki da maksimalnaha prysud za «stvareńnie ekstremisckaha farmavańnia, dziejnaść jakoha nakiravanaja na reabilitacyju nacyzmu». «Fłahštok» zaŭvažyŭ heta karotkaje paviedamleńnie ŭ dziaržaŭnaj presie i raskazvaje, što pra hetu spravu ŭvohule viadoma.
Z aficyjnaha paviedamleńnia vynikaje, što žychara Rahačova abvinavacili ŭ «stvareńni ekstremisckaha farmavańnia». Mužčyna nibyta stvaryŭ telehram-kanał, u jakim byli znojdzienyja vykazvańni Hitlera i vyjavy nacysckaj simvoliki.
Sud prajšoŭ u zakrytym režymie, proźvišča abvinavačanaha i inšyja padrabiaznaści sudovaha pracesu nie paviedamlajucca. U vyniku sud pryznačyŭ abvinavačanamu pakarańnie ŭ vyhladzie 11 z pałovaj hadoŭ pazbaŭleńnia voli ŭ kałonii strohaha režymu.
U dziejnaj redakcyi Kryminalnaha kodeksa Biełarusi jość tolki adzin artykuł, jaki praduhledžvaje mahčymaść takoha surovaha pakarańnia za padobnyja złačynstvy — art. 130-1 č. 3 «Naŭmysnyja dziejańni pa reabilitacyi nacyzmu, učynienyja hrupaj asob albo jakija paciahnuli pa nieaściarožnaści śmierć čałavieka albo inšyja ciažkija nastupstvy». Artykuł byŭ uniesieny ŭ Kryminalny kodeks u mai 2021 hoda.
Maksimalnaje pakarańnie pa hetym artykule — 12 hadoŭ pazbaŭleńnia voli. Pra vyniasieńnie maksimalna surovych prysudaŭ pa im raniej nie paviedamlałasia.
Pry hetym u aficyjnym raskładzie sudovych pasiadžeńniaŭ Homielskaha abłasnoha suda apošnim časam razhladu kryminalnaj spravy, jakaja b całkam padychodziła pad heta apisańnie, «Fłahštokam» nie zafiksavana.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2020
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes20
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary