U Biełym domie zapiarečyli razmovam pra siabroŭstva Ukrainy ŭ NATA ŭ abmien na terytoryi
Pazicyja ŭładaŭ ZŠA palahaje ŭ tym, što ŭ pierśpiektyvie Ukraina zmoža stać siabram NATA.
U Administracyi prezidenta ZŠA abvierhli infarmacyju ab tym, što viaducca razmovy ab mahčymym pradastaŭleńni Ukrainie siabroŭstva ŭ NATA ŭ vypadku admovy ad častki svaich terytoryj na karyść Rasii, zajaviŭ kaardynatar pa stratehičnych kamunikacyjach Biełaha doma Džon Kirbi padčas bryfinhu, piša «Ukrainskaja praŭda».
Adkazvajučy na pytańnie žurnalista pra dyskusii ab abmienie ŭkrainskich terytoryj na siabroŭstva ŭ NATA, Kirbi zajaviŭ: «Ničoha takoha. Heta nie tak».
Čynoŭnik padkreśliŭ, što pazicyja ŭładaŭ ZŠA palahaje ŭ tym, što ŭ pierśpiektyvie Ukraina zmoža stać siabram NATA, što paćvierdziła kiraŭnictva krain-siabroŭ aljansu padčas apošniaha samitu ŭ Vilni.
«Na vilenskim samicie Aljans padtrymaŭ ideju, što šlach da siabroŭstva (Ukrainy ŭ NATA) moža być raspracavany. Ciapier asnoŭnaja ŭvaha zasiarodžanaja na dapamozie Ukrainie ŭ baraćbie z rasijskaj ahresijaj i viartańni terytoryj, jakija całkam naležać Ukrainie. Jany damahajucca prahresu kožny dzień, i my budziem praciahvać ich padtrymlivać», — skazaŭ Kirbi.
Raniej kiraŭnik aparata Hienieralnaha sakratara NATO Styjan Jensen dapuściŭ, što Ukraina moža stać siabram Aljansu ŭ abmien na «admovu» ad častki svajoj terytoryi, ale padkreśliŭ, što takuju pastanovu pavinien prymać tolki Kijeŭ.
MZS Ukrainy nazvaŭ takija dyskusii «absalutna nieprymalnymi», padkreśliŭšy, što jany padyhryvajuć rasijskamu naratyvu.
Paźniej Styjan Jensen nazvaŭ «pamyłkaj» svaje słovy ab mahčymym scenary siabroŭstva Ukrainy ŭ Aljansie ŭ abmien na terytaryjalnyja sastupki Rasii.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty17
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary