Usiaho patrochu2222

Ad Zanzibara da Kyrhyzstana. Dzie adpačyvajuć praŭładnyja śpiavački i prapahandysty

Pahladzieli sacyjalnyja sietki praŭładnych znakamitaściej i daviedalisia, dzie tyja adpačyvali hetym letam.

Kaciaryna Zabiańko. Turcyja

Namieśnica dyrektara dyrekcyi mastackich prahram STB Kaciaryna Zabiańko hetym letam pabyvała ŭ tureckaj Ałanii. Tam televiadučaja spyniałasia ŭ piacizorkavym hateli Saphir Hotel & Villas. Košt nočy ŭ elitnaj haścinicy u letni siezon składaje kala 250 dalaraŭ.

Kaciaryna Zabieńko
Fota: instahram televiadučaj

Maryja Piatraška. Uźbiarežža Atłantyki

Palityčnaja ahladalnica Biełteleradyjokampanii i televiadučaja Maryja Piatraška padzialiłasia adpusknym fota. U podpisie da jaho dziaŭčyna paznačyła, što hetym letam adpačyvała na bierazie Atłantyčnaha akijana. Jak miarkujecca, prapahandystka vybrała dla adpačynku haračuju Kubu i ŭ svaim telehram-kanale dzialiłasia z padpisčykami kadrami ź jaje stalicy — Havany.

Maryja Pietraška
Fota: telehram-kanał televiadučaj

Alena Łanskaja. Jehipiet

Zasłužanaja artystka Respubliki Biełaruś, pradstaŭnica krainy na konkursie pieśni «Jeŭrabačańnie-2013» vybrała lipień dla letniaha adpačynku. Jak miarkujecca, śpiavačka praviała vodpusk u jehipieckim Šarm-el-Šejchu, adkul ščodra dzialiłasia z padpisčykami fatahrafijami ŭ bikini.

Alena Łanskaja
Fota: instahram śpiavački

Iryna Darafiejeva. Emiraty i Zanzibar

Zasłužanaja artystka Biełarusi i ŭ minułym adna ź lubimych śpiavačak Łukašenki, miarkujučy pa ŭsim, vyzvaliła dziela adpačynku ŭvieś žnivień. U pačatku miesiaca Darafiejeva naviedała Dubaj, dzie zrabiła fota ŭ adnym z samych papularnych turystyčnych miescaŭ — krajavidnym basiejnie Aura Skypool Lounge.

Iryna Darafiejeva
Fota: instahram śpiavački

Potym śpiavačka adpraviłasia ŭ Tanzaniju na vostraŭ Zanzibar. Miarkujučy pa instahramie Iryny, vostraŭ poŭny ekzotyki i zabaŭ.

Iryna Darafiejeva
Fota: instahram śpiavački

Siostry Hruździevy. Turcyja

Duet, jaki u praŭładnych kołach staŭ papularnym paśla adkrytaj padtrymki Łukašenki, poŭnym składam adpraviŭsia ŭ turecki Bielek. Tut śpiavački pasialilisia ŭ piacizorkavym hateli Spice hotel & spa, adkul radujuć padpisčykaŭ svaimi pastami i storyz.

Hruzdievy
Fota: instahram śpiavačak

Ksienija Lebiedzieva. Biełaruś

Śpiecyjalnaja karespandentka BT, aŭtarka i viadučaja prahramy «Heta inšaje», u adroźnieńnie ad kaleh pa cechu, adpačyvaje na biełaruskich aziorach. Ad piakučaha sonca jana ratujecca ŭ kustach, nadzieŭšy na hałavu chustku.

Ksienija Lebiedzieva
Fota: instahram televiadučaj

Hiuneš Abasava. Turcyja i Kipr

Śpiavačka Hiuneš Abasava taksama paśpieła naviedać dźvie krainy: razam ź siamjoj jana spačatku vypraviłasia ŭ Stambuł, adkul potym pierabrałasia na Kipr.

Hiunieš Abasava
Fota: instahram śpiavački

Tut Hiuneš prakaciłasia pa Mižziemnym mory ŭ kampanii syna.

Fota: instahram śpiavački

Kaciaryna Ciškievič. Kyrhyzstan

Viadučaja telekanała ANT u lipieni padarožničała pa Kyrhyzstanie. U svaim instahramie žančyna padzialiłasia sieryjaj fota na fonie skalistych hor hetaj krainy.

Kaciaryna Ciškievič
Fota: instahram televiadučaj

Alaksiej Tałaj. Rasija

Paraalimpijec i zasnavalnik dabračynnaha fondu, viadomy svaimi simpatyjami da Łukašenki, hetym letam naviedaŭ Sankt-Pieciarburh. Pa słovach mužčyny, jon pravioŭ u paŭnočnaj stalicy niekalki dzion, dzie paśpieŭ adpačyć i nabracca sił.

Tałaj
Fota: instahram dziejača

Kali da vašaha adpačynku jašče daloka — nie adčajvajciesia. Tut my sabrali padborku cikavych aktyŭnaściaŭ, jakimi možna zaniać vychodnyja.

«Naša Niva» — bastyjon biełaruščyny

PADTRYMAĆ

Kamientary22

  • Čałavieča
    18.08.2023
    Haŭno
  • JANKA
    18.08.2023
    Ale, hladzi ty, usia heta łukašúšara piša spres pa-rasiejsku! A ci lje z hetaj pryčyny ślozy biełmoŭny łukanaŭt historyk Marzaluk? Albo ŭsie biełarusy Bulbinhiemu zvyklisia z pazycyjaj achviarki?
  • niaviesta Azaronka
    18.08.2023
    Odin tałaj pravilnoje napravlenije vybrał

Ciapier čytajuć

Polšča adkryvaje miažu ź Biełaruśsiu50

Polšča adkryvaje miažu ź Biełaruśsiu

Usie naviny →
Usie naviny

Čynoŭnik ad turyzmu narakaje, što ŭ Biełarusi vielmi kiepskija hateli2

U Minsku zaŭvažyli dziŭny aŭtamabil, bitkom nabity ludźmi i poni2

«Zołatava ŭ kałonii ŭ aŭtarytecie, jana vydatnaja švačka»3

Ukrainskija drony atakavali Maskvu5

Sikorski — Rasii: Paśla nie nyjcie. My vas papiaredzili33

Paśla aryštu taksista-špijona polskija śpiecsłužby masava ciahajuć biełarusaŭ na dopyty10

U Mahilovie zatrymali brata palitviaźnia Čavusava

U Zasłaŭi čałaviek sotniami razvodzić u kvatery pacukoŭ. Susiedzi stohnuć i skardziacca2

Rasśledavalniki znajšli dubajskaha kašalka Łukašenki, jaki pabudavaŭ biznes-impieryju ŭ Litvie i zastaŭsia pa-za sankcyjami9

bolš čytanych navin
bolš łajkanych navin

Polšča adkryvaje miažu ź Biełaruśsiu50

Polšča adkryvaje miažu ź Biełaruśsiu

Hałoŭnaje
Usie naviny →

Zaŭvaha:

 

 

 

 

Zakryć Paviedamić