«Za daniasieńnie praŭdy da suśvietnaj supolnaści». Biełteleradyjokampanija premiravała prapahandystak, što trapili pad jeŭrapiejskija sankcyi
U Biełteleradyjokampanii vypisali premii prapahandystkam Ksienii Lebiedzievaj i Anastasii Bieniedzisiuk, što trapili pad niadaŭnija sankcyi Jeŭrasajuza.
«Za vysoki ŭzrovień žurnalisckaj pracy, daniasieńnie praŭdy da suśvietnaj supolnaści, raźviančańnie chłuśni zachodniaj prapahandy», — tak paznačyŭ nieabchodnaść uznaharody kiraŭnik kampanii, prapahandyst Ivan Ejsmant.
Ksienija Lebiedzieva i Anastasija Bieniedzisiuk trapili pad sankcyi ES u žniŭni. Ich abvinavacili ŭ raspaŭsiudžvańni rasijskich naratyvaŭ ab «nacysckim režymie va Ukrainie», chłuśni pra biełaruskuju apazicyju i połk Kastusia Kalinoŭskaha, raspalvańni varožaści suprać susiednich krain.
Biełaruskaja ž prapahanda bačyć ich dziejnaść jak «vysoki ŭzrovień žurnalisckaj pracy».
U tłumačalnym liście z chadajnictvam pra premiravańnie prapahandystak, jaki apublikavaŭ kanał ATN, havorycca, što Lebiedzieva «zarekamiendavała siabie jak žurnalistka vysokaha ŭzroŭniu z vyraznaj hramadzianskaj pazicyjaj», jakaja «śmieła i adkryta raspaviadaje hledaču pra sapraŭdny stan rečaŭ va Ukrainie i na Danbasie, pryčyny SVA». «Słovam, kaža praŭdu», — reziumujuć kalehi prapahandystak.
Aŭtary lista chadajničajuć, kab prapahandystak uznaharodzili «za ŭzornaje vykanańnie słužbovych abaviazkaŭ pry vykanańni redakcyjnych zadańniaŭ, za ŭmieńnie abiazzbroić słovam i bieskampramisnuju pazicyju, za śmiełaść pry pošuku i padačy dakładnaj, časam kamuści niazručnaj infarmacyi, niahledziačy na cisk i pahrozy Zachadu, za žadańnie danosić tolki praŭdu».
«A ci budzie stvorany resurs nakštałt Tut.by?» Što prapahandysty kažuć biełarusam na sustrečach i jakija pytańni im zadajuć ludzi
Raniej chacieła žyć va Ukrainie — ciapier raskazvaje, što tam nacysty. Chto takaja Anastasija Bieniedzisiuk, novy tvar prapahandy
«Sakretnaje amierykanskaje apytańnie». Pres-sakratar MZS zajaviŭ, što 70% biełarusaŭ chočuć, kab krainaj kiravaŭ Łukašenka
Kamientary
Vojna - mir, Pravda - łoż.....