U Pskovie bieśpiłotniki atakavali aeradrom — minimum čatyry samaloty Ił-76 paškodžanyja
U noč z 29 na 30 žniŭnia ŭ rasijskim Pskovie byli čuvać šmatlikija vybuchi ŭ rajonie aeradroma. Ataku bieśpiłotnikaŭ paćvierdzili i rasijskija miascovyja ŭłady.
Na videa, jakija vykładali vidavočcy, vidać mahutnyja pažary. Na fonie čuvać huki vybuchaŭ. Rasijskija ŚMI paviedamlali taksama pra huki aŭtamatnych čerhaŭ.
Pavodle papiaredniaj infarmacyi, aŭtamatnymi čerhami sprabavali źbivać bieśpiłotniki, jakija atakavali aeradrom.
Pskoŭ — miesca bazavańnia rasijskaj pavietrana-desantnaj dyvizii i 334 pałka vajskova-transpartnaj avijacyi.
Hubiernatar Pskoŭskaj vobłaści Michaił Viadziornikaŭ paćvierdziŭ ataku bieśpiłotnikaŭ na pskoŭski aeraport. Pavodle jaho zajaŭ, Minabarony RF adbivaje jaje. Maštab razbureńniaŭ udakładniajecca. Śćviardžajecca, što achviar niama.
Nad Pskovam i vobłaściu abmiežavali paloty samalotaŭ.
Paźniej u ekstrannych słužbach RF paviedamili, što čatyry samaloty Ił-76 paškodžanyja paśla ataki na vajskovy aeradrom.
Ił-76 — ciažki vajskova-transpartny samalot. Adzin taki samalot kaštuje dziasiatki miljonaŭ dalaraŭ.
Ataka na Pskoŭ praciahvajecca na praciahu 1,5 hadziny. Usia palicyja padniataja pa tryvozie, na ruki vydadzienaja zbroja.
U Tulskaj vobłaści, a taksama nad častkaj Maskoŭskaj i Kałužskaj abłaściej uviedzieny płan «Dyvan».
Pra huk vybuchu paviedamlajuć u Bransku.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary