«Kali vy žadajecie pracavać u nas, kidajcie kursy polskaj movy». Jak u miedykaŭ prachodziać razmovy ź ideołahami
Niekalki miedykaŭ pahadzilisia raspavieści «Našaj Nivie» ab tym, jak u ich prachodziła razmova z namieśnikam hałoŭnaha doktara pa ideałohii.
Dzianisu (imiony ŭsich miedykaŭ źmienieny) pryjšłosia iści na razmovu ź ideołaham nibyta dziela taho, kab dakazać, što jaho kvalifikacyja adpaviadaje pasadzie. Ale, jak jon i čakaŭ, nivodnaha pytańnia z haliny miedycyny jamu nie zadali.
«Zatoje ideołah pytaŭ, ci hladžu ja televizar. Kali tak, to jak časta, jakija palityčnyja pieradačy viedaju. I voś ja siadzieŭ, sprabavaŭ chutka zhadać, pra jakich prapahandystaŭ čytaŭ u niezaležnych miedyja niadaŭna. Surazmoŭca cikaviŭsia, ci padtrymlivaju ja palityku biełaruskich uładaŭ. Jašče jon spytaŭ, ci padpisany ja na aficyjny telehram-kanał lačebnaj ustanovy, u jakoj ja pracuju. I voś u hety momant ja krychu pačaŭ niervavacca: a što, kali jon paprosić pakazać telefon?
Nie, kaniešnie, ja nie durny i pierad razmovaj vydaliŭ uvieś «ekstremizm». Ja navat byŭ padpisany na toj aficyjny telehram-kanał, ale ž nikoli jaho nie hladzieŭ. U mianie tam, mabyć, tysiača niepračytanych paviedamleńniaŭ visić. Ale ideołah tolki kiŭnuŭ i skazaŭ, kab ja abaviazkova čytaŭ kanał kožny dzień, bo tam publikujuć reposty važnych dziaržaŭnych navin, a ŭsie miedyki pavinny być u kursie».
Hannu taksama vyklikali na anałahičnuju hutarku dla «paćviardžeńnia adpaviednaści».
«Amal što z paroha ideołah zapytaŭ, kali śviatkujecca Dzień narodnaha adzinstva. Ja navat nie ŭpeŭniena, što jon pryvitaŭsia pierad hetym. Ja razhubiłasia i čamuści adkazała, što 3 lipienia. Jon stroha pahladzieŭ na mianie i skazaŭ: «Ja vielmi spadziajusia, što heta pieršy i apošni vaš niapravilny adkaz».
Potym ideołah staŭ pytacca mianie ab tym, ci jość u mianie ci ŭ maich blizkich rodzičaŭ šenhienskaja viza, ci časta jany byvajuć za miažoj, što raskazvajuć pra Jeŭropu. Ci pajechaŭ niechta z maich znajomych miedykaŭ pracavać za miažu i jak ja da ich staŭlusia».
Pra pajezdki svajakoŭ u Jeŭrasajuz pytalisia i ŭ Mikity, jaki pryjšoŭ pracaŭładkoŭvacca. Ale adno pytańnie jaho asabliva ździviła:
«Ideołah spytaŭ, ci vyvučaju ja jakija-niebudź zamiežnyja movy. Ja spačatku nie zrazumieŭ, u čym moža być padvoch, i adkazaŭ, što chadžu na kursy polskaj movy. Moj surazmoŭca ažno pačyrvanieŭ: «A što potym? Vy, moža, jašče i kartu palaku zachočacie atrymać?» Potym krychu supakoiŭsia i skazaŭ: «Kali vy sapraŭdy žadajecie pracavać u nas, kidajcie hetyja kursy. Nie patrebna vam polskaja mova ŭ Biełarusi».
Adnym z apošnich pytańniaŭ sumoŭja stała voś jakoje: «Ci hatovy vy ŭdzielničać u jabacinhach (jon tak i skazaŭ — jabacinhach!) i aŭtaprabiehach, kali spatrebicca? Vy viedajecie, u nas vielmi patryjatyčna nastrojeny kalektyŭ, i nie chaciełasia b, kab niechta ŭ im vyłučaŭsia».
Čytajcie taksama:
«Bieź ich rašeńnia nie voźmuć navat u sanitarki». U balnicach ciapier jość svaje ideołahi
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka26
Kamientary
treba było adkazać - tak - rasiejskuju