Eks-načalnika z MTS Alaksieja Kuźmina buduć sudzić pavodle dvuch kryminalnych artykułaŭ
Alaksiej — načalnik adździeła MTS, salist muzyčnaha hurta «Zakon huku». Maje traich dziaciej, adzin ź ich ź invalidnaściu.
Mužčynu zatrymali 26 kastryčnika 2022 hoda za toje, što jon nibyta pieradavaŭ asabistyja źviestki siłavikoŭ u «Čornuju knihu Biełarusi». U lipieni palitviazień daŭ prapahandystam «intervju», nahadvaje «Viasna».
Jaho abvinavačvajuć pavodle č. 6 art. 16 i č. 3 art. 130 KK (dapamahańnie ŭ raspalvańni varožaści i varažniečy, učynienaje hrupaj asob) i art. 342 KK (aktyŭny ŭdzieł u dziejańniach, jakija hruba parušajuć hramadski paradak).
Sud nad Kuźminym raspačniecca 11 vieraśnia ŭ Minskim haradskim sudzie. Spravu budzie razhladać sudździa Siarhiej Chrypač.
Padtrymajcie Alaksieja hrašovymi pieravodami, pasyłkami i listami: SIZA-1, 220030, h. Minsk, vuł. Vaładarskaha, 2, Alaksiej Uładzimiravič Kuźmin.
Kamientary