Экс-начальніка з МТС Аляксея Кузьміна будуць судзіць паводле двух крымінальных артыкулаў
Аляксей — начальнік аддзела МТС, саліст музычнага гурта «Закон гуку». Мае траіх дзяцей, адзін з іх з інваліднасцю.
Мужчыну затрымалі 26 кастрычніка 2022 года за тое, што ён нібыта перадаваў асабістыя звесткі сілавікоў у «Чорную кнігу Беларусі». У ліпені палітвязень даў прапагандыстам «інтэрв'ю», нагадвае «Вясна».
Яго абвінавачваюць паводле ч. 6 арт. 16 і ч. 3 арт. 130 КК (дапамаганне ў распальванні варожасці і варажнечы, учыненае групай асоб) і арт. 342 КК (актыўны ўдзел у дзеяннях, якія груба парушаюць грамадскі парадак).
Суд над Кузьміным распачнецца 11 верасня ў Мінскім гарадскім судзе. Справу будзе разглядаць суддзя Сяргей Хрыпач.
Падтрымайце Аляксея грашовымі пераводамі, пасылкамі і лістамі: СІЗА-1, 220030, г. Мінск, вул. Валадарскага, 2, Аляксей Уладзіміравіч Кузьмін.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары