Ułada11

Siońnia ŭ Maskvie Łukašenka i Miadźviedzieŭ padpišuć «Naftan»?

Siomaja asabistaja sustreča Łukašenki i Miadźviedzieva ŭ 2009 hodzie moža stać punktam pieradačy biełaruskaj naftachimii.

Siomaja asabistaja sustreča Łukašenki i Miadźviedzieva ŭ 2009 hodzie moža stać punktam pieradačy biełaruskaj naftachimii.

Na razhlad prezidentaŭ vynosicca 17 pytańniaŭ.

Siarod tem abmierkavańnia — sumiesnyja dziejańni pa pieraadoleńni nastupstvaŭ suśvietnaha finansava‑ekanamičnaha kryzisu, bałansy pa paliŭna‑enierhietyčnych resursach i inšych najvažniejšych vidach pradukcyi, prahrama supracoŭnicta ŭ vajenna‑techničnaj śfiery, farmiravańnie Mytnaha sajuza Biełarusi, Rasii i Kazachstana i inš.

Papiaredniaje pasiadžeńnie vyšejšaje dziaržrady (VDR) adbyłosia 3 lutaha hetaha hoda ŭ Maskvie. Tady było padpisana 11 dakumientaŭ, u tym liku ab stvareńni Adzinaj rehijanalnaj sistemy SPA i ab mierach pa pieraadoleńni ŭpłyvu suśvietnaha kryzisu na ekanomiki Rasii i Biełarusi.

Ciapierašniaje pasiadžeńnie pieršapačatkova płanavałasia na 8 śniežnia — u hety dzień adznačałasia 10‑hodździe z času padpisańnia damovy ab stvareńni sajuznaj dziaržavy.

Na sustrečy ź dziaržsakratarom sajuznaj dziaržavy Paŭłam Baradzinym 3 śniežnia ŭ Minsku prezident Biełarusi vykazaŭ nierazumieńnie nakont pieranosu pasiadžeńnia VDR.

«Čamu rasijanie nie chočuć vośmaha pravodzić, a dziesiataha? Ale dla nas heta nie pryncypova, kali tam niama jakich‑niebudź padvodnych ciačeńniaŭ», — dadaŭ Alaksandr Łukašenka.

Pavodle jaho słoŭ, «akramia ŭračystaści», pasiadžeńnie VDR «pavinna mieć kankretny praktyčny charaktar».

Pavodle nieaficyjnaj infarmacyi, na zaćviardžeńnie prezidentaŭ budzie pradstaŭleny prajekt sumiesnaj prahramy supracoŭnictva ŭ paliŭna‑enierhietyčnym kompleksie. Jon praduhledžvaje padrychtoŭku mižuradavaha pahadnieńnia ab udziele rasijskich kampanij u kapitale AAT «Naftan».

Nahadajem, vystupajučy 2 śniežnia ŭ Dziarždumie, ministr enierhietyki Rasii Siarhiej Šmatko ŭviazaŭ udzieł rasijskich kampanij u pracy biełaruskaha paliŭna‑enierhietyčnaha kompleksu z umovami pastavak u Biełaruś nafty ŭ 2010 hodzie. «U nas raspracavana halinovaja prapanova biełaruskim naftavikam, źviazanaja z tym, što praciah ilhotnaha režymu pastavak nafty budzie źviazany z uvachodžańniem rasijskaj kampanii ŭ naftavuju infrastrukturu na terytoryi Biełarusi», — skazaŭ kiraŭnik Minenierha.

Kamientary1

Ciapier čytajuć

Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama7

Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama

Usie naviny →
Usie naviny

Łukašenka nakarmiŭ ministra sielskaj haspadarki morkvaj7

«Jany horšyja za francuzaŭ, my trapili z ahniu dy ŭ połymia». Jak «Vahnier» pravaliŭsia ŭ Mali5

Rasija padbiła adzin z vajskovych karabloŭ Ukrainy

Biełaruskich bijatłanistaŭ nie puściać na Alimpijadu navat u niejtralnym statusie5

Rasijski prapahandyst Uładzimir Sałaŭjoŭ zarabiŭ na prapahandzie vajny va Ukrainie za dva hady bolš za 370 tysiač dalaraŭ7

Źnikły Kotaŭ vyjechaŭ z Turcyi moram — mahčyma, u bok Rasii24

Ivan Dorn praśpiavaŭ u Varšavie pa-ŭkrainsku ź biełaruskim vuličnym muzykam

Nad Homielskaj vobłaściu ŭčora zaŭvažyli rasijskija drony1

Fon der Lajen vystupiła z ekstrannaj zajavaj z nahody rasijskaj ataki na Kijeŭ: rychtujucca novyja sankcyi19

bolš čytanych navin
bolš łajkanych navin

Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama7

Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama

Hałoŭnaje
Usie naviny →

Zaŭvaha:

 

 

 

 

Zakryć Paviedamić