Tysiačy novych kvater i žycharoŭ. U horada surjoznyja płany na Ściapianku
Staličnuju Ściapianku čakajuć vialikija pieramieny. Na hetuju terytoryju niekalki hadoŭ tamu byŭ raspracavany prajekt detalovaha płanavańnia, zaraz u jaho ŭniasuć źmieny. Chutka startuje hramadskaje abmierkavańnie. U najbližejšaje dziesiacihodździe kvater i nasielnictva ŭ hetym rajonie Minska pavinna pabolšać. Padrabiaznaści raspaviadaje Onliner.
Abmiarkoŭvać buduć prajekt detalovaha płanavańnia terytoryi ŭ miežach vulicy Karvata — miascovaha prajezda — paŭnočnaj terytoryi haražnaj zabudovy — MKAD — praciahu vulicy Vaŭpšasava — paŭnočna-zachodniaj miažy łandšaftna-rekreacyjnaj zony 95 ŁRpr — čyhunki.
Učastak vialiki — bolš za 142 hiektary, znachodzicca jon u Partyzanskim rajonie Minska.
Hramadskaje abmierkavańnie budzie prachodzić z 25 vieraśnia da 10 kastryčnika 2023 hoda. Prezientacyja prajekta — u elektronnym vyhladzie, dakumient užo jość na sajcie rajonnaj administracyi.
Realizoŭvać prajekt buduć u dva etapy. Pieršy — da 2028 hoda, druhi — da 2030-ha.
Zapłanavali vialikaje žyllovaje budaŭnictva. U asnoŭnym uzvodzić šmatpaviarchoviki buduć na byłych vytvorčych, kamunalnych i niezasvojenych ziemlach. Tut pavinna źjavicca 166,3 tysiačy «kvadrataŭ» žylla. Siarod pryjarytetaŭ — farmiravańnie kamfortnych dvarovych prastor, z vysokim uzroŭniem uparadkavańnia i azielanieńniem.
Kali ciapier u Ściapiancy 1885 kvater, to da 2030-ha, jak raźličvajuć horadabudaŭniki, ich budzie kala 4,5 tysiačy.
Nasielnictva ŭ miežach prajektavańnia moža vyraści da 10,6 tysiačy čałaviek (ciapier — 4,9 tysiačy).
Źjaviacca i novyja sacabjekty, naprykład, paliklinika na 650 naviedvańniaŭ za źmienu, ahulnaadukacyjnaja škoła na 480 vučniaŭ, dziciačyja sady na 250 i 230 miescaŭ.
U Ściapiancy płanujuć stvaryć paŭdniovy dublor praśpiekta Niezaležnaści (u detalovym płanie hetaja vulica nazyvajecca Prajektujemaja numar 1). Jana i vulica Vaŭpšasava, jakuju taksama buduć raźvivać, źviažuć zabudovu z centram, inšymi rajonami Minska i Nacyjanalnym aeraportam.
Uzdoŭž Karvata źbirajucca sfarmiravać «liniejny» hramadski centr.
Na skryžavańni hetaj vulicy z Prajektujemaj numar 2 pavinny źjavicca paliklinika, abjekty handlu i sportu, chram. Abjekty hramadskaha absłuhoŭvańnia i administracyjna-dziełavoha pryznačeńnia taksama chočuć uźvieści ŭzdoŭž vulicy Prajektujemaj numar 1 i MKAD.
Źbirajucca sfarmiravać vytvorčy kvartał (№8 na detalovym płanie) z sanitarna-achoŭnaj zonaj nie bolš za 50 mietraŭ. Meta — novyja pracoŭnyja miescy dla žycharoŭ rajona. Vytvorčyja abjekty, što ŭžo isnujuć, buduć madernizavać.
Abiacajuć novyja ŭparadkavanyja zony, naprykład, skvier, bulvar na lesaparkavych terytoryjach, a taksama ŭzdoŭž vulicy Karvata (i nie tolki).
Sietku hramadskaha transpartu buduć raźvivać, navat havorać pra raźvićcio haradskoha rejkavaha transpartu ŭzdoŭž vulicy Vaŭpšasava. Nie zabuducca i pra vieładarožki.
Da pieronaŭ i kas čyhunačnaj stancyi płanujuć pabudavać piešachodny dvuchuzroŭnievy pierachod.
Zaŭvahi i prapanovy ad žycharoŭ abiacajuć nakiravać u architekturna-horadabudaŭničuju radu.
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary