U Amsterdamie abjavili pra znachodžańnie raniej stračanaj karciny Rembranta
Supracoŭniki muzieja «Rejkśmiuseum» (Rijksmuseum) u Amsterdamie 2 sakavika paviedamili, što znajšli stračanuju kaliści karcinu Rembranta. Sapraŭdnaść pałatna adnaho ź viadučych majstroŭ jeŭrapiejskaha mastactva XVII stahodździa ŭdałosia paćvierdzić z dapamohaj pieradavych technałohij skanavańnia i stylistyčnaha analizu, piša Bi-bi-si.
Havorka idzie pra pracu 1633 hoda «Vidziež Zacharyi ŭ chramie». Jaje miescaznachodžańnie zastavałasia nieviadomym z 1961 hoda, kali karcinu nabyŭ pryvatny kalekcyjanier. Niadaŭna ciapierašni ŭładalnik źviarnuŭsia ŭ muziej, paśla čaho śpiecyjalisty praviali dvuchhadovaje daśledavańnie.
Ekśpierty ŭstanavili, što vykarystanyja farby adpaviadajuć tym, jakija Rembrant užyvaŭ u inšych rabotach taho pieryjadu. Maniera naniasieńnia słajoŭ, kampazicyjnyja asablivaści i ŭniesienyja mastakom źmieny taksama supadajuć ź jaho aŭtarskim stylem. Aŭtentyčnym pryznali i podpis na karcinie. Analiz draŭlanaj paneli paćvierdziŭ, što paznačanaja data — 1633 hod — sapraŭdnaja.
Na pałatnie adlustravany biblejski siužet ź Jevanhiella pavodle Łuki — źjaŭleńnie archanioła Haŭryiła pieršaśviataru Zacharyi ź viestkaj pra naradžeńnie syna, budučaha Jana Chryściciela. Sam archanioł niepasredna nie pakazany, ale jaho prysutnaść simvalizuje śviatło, što sychodzić ź vierchniaha pravaha kuta. Rembrantu na momant stvareńnia karciny było 27 hadoŭ.
Dyrektar muzieja adznačyŭ vysokuju mastackuju jakaść pracy i padkreśliŭ, što ŭ hetym tvory adčuvajecca asablivaja ŭvaha i hłybinia, układzienaja mastakom.
Ciapier karcina pieradadzienaja muzieju ŭ doŭhaterminovaje karystańnie i ŭ najbližejšyja dni stanie dastupnaj dla naviedvalnikaŭ.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary